中國人為舌尖勁浪費食物 一年丟棄5千萬人一年食物量| likemagazine.com.hk
Special
中國人為舌尖勁浪費食物	一年丟棄5千萬人一年食物量

中國人為舌尖勁浪費食物 一年丟棄5千萬人一年食物量

曾有北上作客嘅人應該體驗到中國人有幾好客。食飯時往往叫到成枱餸,擺到滿一滿,好似張枱有個角落無嘢放有罪咁。雖然民以食為天,但食唔晒係浪費。須知道呢個世界某個角落,仍有飢饑問題未解決。究竟中國人有幾浪費食物呢?2018年,中國科學院地理科學與資源研究所和世界自然基金會曾聯合發布《中國城市餐飲食物浪費報告》,調查發現中國餐飲業人均食物浪費量為每人每餐93克,浪費率係11.7%。大型聚會浪費達38%,學生飯盒1/3被扔掉。每日有數以萬噸計食物被丟棄。北京某食堂嘅工作人員更指,精略估計,每日至少1/4食物倒掉。另有中型食堂僅一日收集到嘅剩飯重量達幾十公斤。此外,近年深受歡迎自助餐,也是浪費食物嘅來源。報告更指出,初步測算2015年中國城市餐飲業僅餐桌食物浪費量就在1700萬至1800萬噸之間,相當於3000萬至5000萬人一年的食物量。雖然由2013年起,中國開展「光盤行動」,減少餐桌上浪費,但成效有目共睹囉!世界資源總有耗盡嘅一日,食得是福,但食唔晒係造孽。希望都大家珍惜食物!

 

TEXT: MaryLin

相關文章
香港南端鶴咀探秘1日遊│百年燈塔打卡海蝕洞聽海浪香港南端鶴咀探秘1日遊│百年燈塔打卡海蝕洞聽海浪 足不出戶享受閱讀樂│精選30本中文電子書無需預約足不出戶享受閱讀樂│精選30本中文電子書無需預約 油麻地竟然搵到呢款傳統美食│潮州冷糕外脆內甜絲絲油麻地竟然搵到呢款傳統美食│潮州冷糕外脆內甜絲絲 6月起香港鬧市紫海處處│塔斯曼尼亞薰衣草園美景解煩憂6月起香港鬧市紫海處處│塔斯曼尼亞薰衣草園美景解煩憂 黃大仙出發行1小時瞰九龍半島│沙田坳獅子亭打卡歎山水豆腐花黃大仙出發行1小時瞰九龍半島│沙田坳獅子亭打卡歎山水豆腐花 海港城drawingmary畫展│遇見「Mary」找尋歡樂海港城drawingmary畫展│遇見「Mary」找尋歡樂 不外遊的日子重新發掘香港的美│4個影日落的好去處不外遊的日子重新發掘香港的美│4個影日落的好去處 15分鐘直登嘉頓山│180度無遮擋賞西九龍美景15分鐘直登嘉頓山│180度無遮擋賞西九龍美景