英國營養師斆路 食得健康5種食品永不沾唇!| likemagazine.com.hk
Beauty & Health
英國營養師教路    食得健康5種食物永不沾唇!

英國營養師斆路 食得健康5種食品永不沾唇!

當人人話要飲食健康,點食至健康?英國有位鍾意食嘢嘅營養師就話,即使自己幾為食,即使呢幾種食物有幾美味,一定唔會食,因為真係食無益,甚至壞健康。

 

1 加工肉

廣為人知,加工肉含有硝酸鹽作防腐,硝酸鹽在消化腸道內可被細菌轉化為亞硝基化合物,其中一些有可能令人類致癌。世衞屬下的國際癌症研究機構(IARC)認為每天食用50克加工肉類,患大腸癌的風險將增加18%;並把加工肉類歸類為「令人類致癌」物質。

2 標榜低脂嘅加工食品

對愛食又易增磅嘅人嚟講,食品標榜「低脂」相當吸引,但換個角度睇,呢啲食品都係經高加工。商家為咗令食品睇落無咁肥,會用人工甜味劑或其他成分取代,更不利健康。長久以來,好多人錯覺油脂令人增磅,其實最易令人變肥係糖。

3 人造牛油

人造牛油推出市場時,以比牛油更健康作推銷,但事實並唔係咁。人造牛油賣點之一係低飽和脂肪,然而當植物油經人工固化,當中含有的氫化脂其實對心血管不利。如覺得牛油不健康,建議用椰子油煮食或用橄欖油作為沙律調味會較好。

4 米餅

很多在節食中嘅人都愛米餅,因為呢種食物聲稱低卡路里,但真相係單獨食嘅話,會令血糖水平突然增高,其實對健康唔好。要食得健康,建議轉食麥餅搽果仁醬或伴以牛油果。

5 龍舌蘭蜜

龍舌蘭蜜由仙人掌類植物提取,聽落好天然,但實情係市面買到嘅都經過精製,當中含有嘅糖係果糖。從食用水果攝取少量果糖無乜問題,但食用龍舌蘭蜜攝取大量果糖則危害健康。果糖要靠肝臟轉化,加重肝臟嘅負擔。如果真係要用其他代替得到甜味,甜菊糖和木糖醇會更理想。

 

參考資料:https://www.standard.co.uk/lifestyle/wellness/nutrition-gut-health/foods-a-nutritionist-never-eats-a4259581.html

 

 

 

TEXT: MaryLin

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 遇上灰甲點算好?激光治療深入解決問題!遇上灰甲點算好?激光治療深入解決問題! 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背