香港床蝨為患普及 行李帶回家記得要清潔| likemagazine.com.hk
Beauty & Health
香港床蝨為患普及	行李帶回家記得要清潔

香港床蝨為患普及 行李帶回家記得要清潔

氣候反常,天氣愈來愈熱。明明已入秋,香港依家日間氣溫仍然徘徊廿幾三十度。天氣潮濕悶熱,特別容易有蟲患。由香港中文大學(中大)師生組成嘅「香港滅蝨研究行動組」早前進行調查,發現半數香港家居有蟲患問題,最普及係蚊患,而同為吸血蟲嘅床蝨亦為香港家庭帶來滋擾,36%受訪者表示過去一年曾在居所發現床蝨。別以為床蝨只喺夏天出沒,調查指出28%受訪者有感無論任何季節,床蝨問題都存在,並會趁人瞓覺時咬手腳。從調查結果可見,香港家居蝨患頗嚴重。床蝨嘅傳播途徑包括行走、依附傢具、行李散播,甚至以人為載體,喺社區爆發。床蝨藏於傢具隙縫,毋須吸血亦可存活達數個月,繁殖力強。如喺床附近發現床蝨卵殼、成蟲的脫皮、暗紅或鐵銹紅色的排泄物殘漬,甚或嗅到難聞嘅氣味,表示床蝨為患嚴重,為健康,必要及早處理。消滅床蝨有多種,懶人首選用吸塵機。先喺吸塵機嘅塵袋加啲殺蟲劑,然後喺家居唔同角落吸塵,特別係櫃隙、被褥、床底、窗簾、梳化等,邊邊隙隙都唔好放過,被吸入嘅床蝨遇剎蟲劑會中毒死。另外,話明係床蝨,最鍾意當然匿喺你舖床。要消滅佢哋,必殺技係高溫。利用能噴出蒸氣嘅熨斗、蒸氣清潔器等,用約80度高溫將床蝨殺個片甲不留。床蝨頑強,定期更換及清洗床單被單好重要,清洗時要用熱水,能用乾衣機烘乾更好。洗淨後未用嘅床單被袋宜用厚膠袋包好,以免床蝨再匿藏。再者,喺屋內牆壁、牆腳線、床架、衣櫃、地板、門框、梳化等隱蔽處及縫隙噴殺蟲劑,都能殺滅床蝨。日常家居環境要保持乾爽,二手家具可免則免;此外,外遊回家後行李箱包括轆最好潔淨一下,便可減低將床蝨帶回家。如家居蝨患非常嚴重,可考慮請專人到家滅蝨,徹底解決問題。

 

 

TEXT: MaryLin

相關文章
戴口罩保護未夠全面│點解醫生籲戴眼鏡防疫?戴口罩保護未夠全面│點解醫生籲戴眼鏡防疫? 肺炎病毒可經接觸傳播│家居5個藏菌黑點│記住消毒!肺炎病毒可經接觸傳播│家居5個藏菌黑點│記住消毒! 雪櫃保鮮食物點擺位?              5個使用雪櫃黃金守則雪櫃保鮮食物點擺位? 5個使用雪櫃黃金守則 空氣污染傷身更傷腦                   最新研究增患腦退化降記憶力空氣污染傷身更傷腦 最新研究增患腦退化降記憶力 Party 後肌膚SOSParty 後肌膚SOS 火龍果低熱量高纖                        紅肉白肉營養大不同火龍果低熱量高纖 紅肉白肉營養大不同 突然想打乞嚏但無紙巾│美國科普節目實測用手肘掩口鼻比手有效突然想打乞嚏但無紙巾│美國科普節目實測用手肘掩口鼻比手有效 沖涼好簡單但都會做錯│ 小心4大錯誤損健康沖涼好簡單但都會做錯│ 小心4大錯誤損健康