台茶炸物美味難忍口 識揀口味種類減肥都食得| likemagazine.com.hk
Beauty & Health
識揀口味種類減肥都食得炸物飲台茶

台茶炸物美味難忍口 識揀口味種類減肥都食得

美食當前真係好難忍口,尤其當要減重時,總覺得零食、炸物、蛋糕甜品等特別美味。天使與魔鬼,原來唔一定要放棄其一,其實只要識揀,兩者可兼得。舉個簡單例子,近年一街都係台式特飲店,珍珠奶茶、水果茶、乜乜奶蓋等款式多多,令好想買嚟試。搣唔甩飲呢啲飲品舖癮,又唔想因而增磅,慎選口味都有助減低攝取嘅糖分。第一,最理想要求「無糖」。有部分口味飲品,「無糖」唔一定唔甜,因為本身原材料如水果味糖漿等,已經含糖和帶甜味,要求「無糖」,只係唔要額外加糖,減少糖量攝取。其二,台飲特色之一可以加配料。配料花款多,但唔少為提升味道,以糖水煮製。選擇時,盡量揀本來無糖或少糖最好,例如奇亞籽、寒天、仙草、愛玉;另外椰果、蘆薈等都可取;珍珠、布丁等用加重糖製作嘅最好避之則吉。至於食物方面,想食炸物又唔想勁增肥,建議揀要慢慢食種類,例如有骨嘅炸雞翼和炸雞髀、要多咀嚼嘅雞軟骨等,增加對大腦飽食中樞嘅刺激,令人易有飽肚感覺,減低食量,變相減少攝取脂肪。由於食帶骨食物較麻煩,可減慢進食速度,也有助幫助消化,滅低腸胃負擔及穩定飯後飢餓感。

 

TEXT: MaryLin

相關文章
潮流興美白牙齒│牙齒偏黃唔正常?潮流興美白牙齒│牙齒偏黃唔正常? 戴口罩保護未夠全面│點解醫生籲戴眼鏡防疫?戴口罩保護未夠全面│點解醫生籲戴眼鏡防疫? 眼藥水非保養品│長期使用有副作用眼藥水非保養品│長期使用有副作用 食紅棗補血攝鐵量有限!         食紅棗補血攝鐵量有限! 過勞損腦力令人變蠢善忘│5大建議減壓放輕鬆過勞損腦力令人變蠢善忘│5大建議減壓放輕鬆 就算買唔到藥用酒精DIY搓手液│千祈咪用工業酒精代替就算買唔到藥用酒精DIY搓手液│千祈咪用工業酒精代替 肺炎疫情下搭飛機│揀窗口位坐較安全肺炎疫情下搭飛機│揀窗口位坐較安全 用過嘅口罩亂丟易播菌│ 為人為己口罩要妥善處理用過嘅口罩亂丟易播菌│ 為人為己口罩要妥善處理