濕髮瞓覺壞處多 濕邪入侵髮質變差皮膚乾| likemagazine.com.hk
Beauty & Health
濕髮瞓覺壞處多

濕髮瞓覺壞處多 濕邪入侵髮質變差皮膚乾

每次夜晚洗完頭,阿媽例牌話:「記得吹乾頭髮先瞓。」中國人傳統習俗,頭濕瞓覺會有頭風,影響健康,易生病。早幾年中國湖北曾有一名16歲少年,因為洗頭後未吹乾就直接瞓,第二朝起身半邊面僵硬。中醫指,濕髮瞓覺易令風寒濕邪入侵,令人生病,呢個問題尤其喺寒冷天最常見。喺西方角度,又點睇濕髮瞓覺易病呢種講法呢?外國有報道指,外國教授認為濕髮瞓覺致生病無根據。另有專家推論,由於枕頭內藏有微生物與塵蟎等,當濕髮瞓覺,沾濕枕頭,潮濕環境有機會令微生物和應蟎等生長旺盛,或會令人過敏或出現哮喘症狀。西方人似對濕髮瞓覺會致病不太認同,但指出濕髮瞓覺會令髮質變差。原因係水分降低髮絲角質層保護力,頭髮易受損,因而失去光澤及彈性。此外,如果你係習慣側睡或趴睡,枕住濕髮瞓,有機會令肌膚受刺激,加上頭髮水分蒸發時,同時抽乾臉部皮膚水分,令面部肌膚變得乾燥。概括嚟講,濕髮瞓覺唔多好,但好處都有一個,就係助眠。原來有研究話,濕髮瞓覺可以冷卻頭部,有助鎮定大腦嘅新陳代謝,促進入眠。

 

參考資料:https://time.com/5532533/is-it-bad-to-sleep-with-wet-hair/

 

TEXT: MaryLin

相關文章
戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性