川菜登中菜系排行榜首 日本菜成最愛國際菜系| likemagazine.com.hk
Special
最近杭州舉行國際美食博覽會,選出川菜為中國消費者最愛中國菜系,而日本菜榮登最愛國際菜系。

川菜登中菜系排行榜首 日本菜成最愛國際菜系

世界美食多籮籮,當中中菜博大精深,不同地方菜系各有特色,味道千變萬化。喺眾多中國菜系之中,你最鍾意邊個呢?香港人常吃粵菜,粵菜以原味為重,配合不同烹調方法,帶出食材自然鮮味,日日食到慣,當然覺得最好。最近杭州舉行國際美食博覽會,會上有個「菜系品牌排行榜」,選出內地消費者最愛嘅十大中國菜系。排榜首係眾望所謂嘅川菜。川菜有幾受歡迎,有喺內地遊走過嘅都感受到,大街小巷,甚至大商場,都可搵到川菜館,每到飯市,麻辣香氣飄飄。第二位係粵菜,貴為中國八大菜系之一,一直有獲熱捧。第三位係浙菜,以杭幫菜為代表,菜式小巧精緻,名菜包括宋嫂魚羹、東坡肉、龍井蝦仁等。其餘排名順序係:湘菜、魯菜、蘇菜、京菜、新疆菜、徽菜和贛菜。除中式菜系外,博覽會亦選出最受中國消費者歡迎嘅國際菜系。結果日本菜排頭位,非常正路。第二位係韓國菜,至於第三位竟然係美國菜!以正規美食嚟講,美國菜唔入流,或者內地人對美式快餐文化有情意結,所以令美國菜入前三甲。國際菜系其餘排名順序為:意大利菜、泰國菜、法國菜、新加坡菜、越南菜、印度菜及西班牙菜。

 

TEXT: MaryLin

相關文章
足不出戶享受閱讀樂│精選30本中文電子書無需預約足不出戶享受閱讀樂│精選30本中文電子書無需預約 大富翁85周年推出主題郵票│黃金郵筒投遞為未來送祝福大富翁85周年推出主題郵票│黃金郵筒投遞為未來送祝福 舊建築中認識昔日香港│灣仔藍屋快閃遊臨走必買花生糖舊建築中認識昔日香港│灣仔藍屋快閃遊臨走必買花生糖 不外遊的日子重新發掘香港的美│4個影日落的好去處不外遊的日子重新發掘香港的美│4個影日落的好去處 15分鐘直登嘉頓山│180度無遮擋賞西九龍美景15分鐘直登嘉頓山│180度無遮擋賞西九龍美景 以為戲曲傳統老土好奄悶?│年輕人唱曲做戲個半小時無冷場以為戲曲傳統老土好奄悶?│年輕人唱曲做戲個半小時無冷場 無錢為家居大裝修│4個小動作為家居變身添氣氛無錢為家居大裝修│4個小動作為家居變身添氣氛 放假登香港山頂邂逅巨星│與動漫主角互動打卡玩一番放假登香港山頂邂逅巨星│與動漫主角互動打卡玩一番