洗髮水含矽一定唔好? 究竟矽護髮定傷髮?| likemagazine.com.hk
Beauty & Health
洗髮產品含矽係護髮定傷髮?

洗髮水含矽一定唔好? 究竟矽護髮定傷髮?

市面上洗護髮產品款式多多,近年更有產品特別強調不含矽,聲稱有利頭髮健康。無矽洗髮水係咪真比其他產品好?作為消費者必要精明,唔好輕易被廣告誤導。洗髮產品主要用作清潔頭皮、去除頭髮上油脂污垢,不過為迎合消費者需要,好多產品都加入護髮成分,加強洗髮後頭髮順滑富光澤嘅效果。而具有防水性嘅矽化合物就係常用的護髮成分,由於其能吸附喺頭髮面,填補頭髮角質層縫隙,帶來鎖水補濕效果,所以使用含矽洗髮產品後,頭髮觸感更滑,髮絲更水潤,更易梳理。不過,近年有人質疑矽會殘留喺頭髮上,甚至塞住頭皮毛孔,影響頭髮健康,其實係一知半解。矽的確會黐住頭髮上,但係只屬短暫,加上使用洗髮水時會用大量水稀釋,所以接觸到頭髮嘅矽屬有限度,加上矽化合物嘅分子大,唔會被皮膚吸收,所以唔會有塞毛孔情況。不過,由於矽嘅特性好似喺頭髮上形成保護膜,對頭油旺盛嘅人嚟講,用咗含矽洗髮產品後,可能覺得太油膩而唔舒服。其實洗髮產品無話含有咩成分一定比其他好,最重要係按個人需要揀合適嘅就足夠。另外,就算有的成分被指天然或有機,但亦有機會致敏,過敏性肌膚嘅人選擇時要加倍留意。

 

TEXT: MaryLin

相關文章
行路易攰企得耐會痛│教你練瑜伽改善扁平足行路易攰企得耐會痛│教你練瑜伽改善扁平足 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 空氣淨化如何選擇? 你的家用了適合你的空氣淨化機嗎?空氣淨化如何選擇? 你的家用了適合你的空氣淨化機嗎? 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策