港人精神健康唔合格 家人關懷大笑可減壓| likemagazine.com.hk
Beauty & Health
香港人精神健康唔合格

港人精神健康唔合格 家人關懷大笑可減壓

香港人出名忙到出汁,返工由朝返到晚,放工仲要應酬食飯,莫講私人時間,連瞓覺都唔得閒。生活節奏急速忙碌,好容易忽略對身邊人嘅關愛。早前「全港精神健康指數調查2018」顯示超過半數在職受訪者感到工作對家庭造成干擾,接近半數受訪者(47.9%)嘅精神健康指數不合格。而2018年度香港人於世界衛生組織五項身心健康指標(精神健康齊關注,2018)中平均分更由2017年的59.72跌至50.2。按學術研究指出,若精神健康指數低於 52 分,即個人的精神健康狀況處於不合格水平。若果察覺自己精神健康出問題,唔好自己胡思亂想,最好搵人幫幫手。另有一項由香港家庭福利會於2018做嘅研究指出,48%的受訪者同意家人的支持有助減輕他們的壓力。所以有乜唔開心千祈唔好收收埋埋,一定要講出嚟,搵你最信任嘅家人傾訴係其中一個最直接和有效嘅方法。另外,家人之間都應該主動關懷,發揮家人互愛嘅力量。此外,做運動都係舒緩精神健康嘅有效方法。介紹你一個超簡單嘅運動,完全唔使任何運動細胞,識笑就做到,就係「大笑瑜伽」。大笑瑜伽帶來精神愉悅感,減少皮質醇,降低壓力,更能幫助我們感覺更加清新和充滿活力。以下係其中一個大笑瑜伽嘅教學短片,有興趣嘅可以睇下跟住做,感受一下大笑嘅正能量。

TEXT: MaryLin

相關文章
以為餐餐水煮利健康?              長期缺油易便秘皮膚粗以為餐餐水煮利健康? 長期缺油易便秘皮膚粗 忽冷忽熱咳到甩肺        橙梨性寒加熱轉性止咳忽冷忽熱咳到甩肺 橙梨性寒加熱轉性止咳 冬天瞓醒瞓厲頸             熱敷伸展運動助減痛冬天瞓醒瞓厲頸 熱敷伸展運動助減痛 洗碗海綿藏菌逾3百種                              定期更換咪等到發臭先扔洗碗海綿藏菌逾3百種 定期更換咪等到發臭先扔 氣溫下降冚幾張被保暖              冚被順序影響保暖度氣溫下降冚幾張被保暖 冚被順序影響保暖度 鮮肉異常鮮紅好新鮮?              小心添二氧化硫增鮮鮮肉異常鮮紅好新鮮? 小心添二氧化硫增鮮 常運動抗衰老                  研究:跑步半年血管逆齡4年常運動抗衰老 研究:跑步半年血管逆齡4年 聚會食盆菜中毒屢發生              安全食用盆菜要點聚會食盆菜中毒屢發生 安全食用盆菜要點