素肉食多損健康!| likemagazine.com.hk
Beauty & Health
素肉食多損健康

素肉食多損健康!

為健康,近年愈來愈多人試行食素。道行未深仍然戀肉,但口要戒肉,所以有人搵素肉如素腸、素丸、素扒、素雞替代。相信好多人以為食素肉為身體減負擔,但原來一樣有健康危機。原因之一係市面好多素肉為求味道逼真,得到消費者垂青,所以加重調味,結果變成高納食物。早前消委會進行測試,發現35款預先包裝素肉中,當中有6款高鈉,即每100克含超過600毫克鈉。根據世衞建議,一個每日攝取2,000千卡能量的成年人每日應攝取少於2,000毫克鈉。測試中嘅一款含鈉最高嘅素鰻魚,食半包已經達到每日攝入量限量近4成多。成日提醒大家消費要精明,買素肉時要睇清標籤。唔想誤墮營養陷阱,既然有心如素,咪回歸自然,唔好食假嘢,主力食新鮮蔬菜囉!世界上有咁多唔同種類蔬菜,總有你鍾意嘅。烹調記住清淡為主,落調味輕手啲,咁至係健康飲食。

 

TEXT: MaryLin

相關文章
30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 遇上灰甲點算好?激光治療深入解決問題!遇上灰甲點算好?激光治療深入解決問題! 行路易攰企得耐會痛│教你練瑜伽改善扁平足行路易攰企得耐會痛│教你練瑜伽改善扁平足 空氣淨化如何選擇? 你的家用了適合你的空氣淨化機嗎?空氣淨化如何選擇? 你的家用了適合你的空氣淨化機嗎? 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆