咁先夠「滑蛋」?滑蛋未煮熟增食物中毒風險!| likemagazine.com.hk
Beauty & Health
喺今年5月及6月,發生兩宗因為食滑蛋而導致食物中毒個案,患者食滑蛋後出現腹痛、嘔吐、腹瀉及發燒徵狀,部分人更入醫院治理。食物中毒原因係滑蛋未經徹底煮熟或熟煮後貯放溫度不當,所以蛋內有沙門氏菌。

咁先夠「滑蛋」?滑蛋未煮熟增食物中毒風險!

茶餐廳美食中,滑滑炒蛋係咪你最愛之一。炒蛋要又香又滑,唔同師傅各有秘技,不過若果食嗰陣,發覺滑蛋凍咗或者蛋太生嘅話,建議大家唔好食比較好。

喺今年5月及6月,發生兩宗因為食滑蛋而導致食物中毒個案,患者食滑蛋後出現腹痛、嘔吐、腹瀉及發燒徵狀,部分人更入醫院治理。食物中毒原因係滑蛋未經徹底煮熟或熟煮後貯放溫度不當,所以蛋內有沙門氏菌。

沙門氏菌可以來自雞,亦可以來自蛋。若如果母雞本身感染咗沙門氏菌,呢啲菌可以喺蛋殼未成形前,經母雞生殖器官污染雞蛋。

另外,母雞生蛋過程中,帶有沙門氏菌嘅糞便可經蛋殼滲入雞蛋內。雞蛋係咪受菌感染,肉眼睇唔見,要避免食菌而中毒,只有一招─高溫。

食物安全中心建議,食物應煮熟至中心至少攝氏75度,食物煮熟後如供熱食,上菜前應保持於攝氏60度以上。食物煮好後應立即食用,不應置於室溫超過2小時。

下次外出食滑蛋系列食品,大家除咗追求滑溜口感,都要注意飲食安全!

相關文章
香港人笑下啦!             研究:笑多啲長命啲!香港人笑下啦! 研究:笑多啲長命啲! 勤洗手雙手易變乾│潤手霜護手要點揀?勤洗手雙手易變乾│潤手霜護手要點揀? 一個套餐佔全日逾半熱量│研究:食快餐要健康要咁做一個套餐佔全日逾半熱量│研究:食快餐要健康要咁做 抗疫關鍵時刻│出街戴口罩│返家後即做4動作抗疫關鍵時刻│出街戴口罩│返家後即做4動作 就算買唔到藥用酒精DIY搓手液│千祈咪用工業酒精代替就算買唔到藥用酒精DIY搓手液│千祈咪用工業酒精代替 U型渠內貯水阻疾病傳播         放梘水check渠道有無漏氣U型渠內貯水阻疾病傳播 放梘水check渠道有無漏氣 過度活躍可能係飲食惹禍|ADHD患者宜少食呢啲食品過度活躍可能係飲食惹禍|ADHD患者宜少食呢啲食品 突然想打乞嚏但無紙巾│美國科普節目實測用手肘掩口鼻比手有效突然想打乞嚏但無紙巾│美國科普節目實測用手肘掩口鼻比手有效