藥放雪櫃原來易變壞?3個不能置放藥物嘅地方| likemagazine.com.hk
Beauty & Health
未食嘅藥放喺室溫、乾燥、陰涼地方就可以,最好唔好有陽光曬住,除非特別注明要放雪櫃冷藏,例如眼藥膏之類,否則唔使入雪櫃。

藥放雪櫃原來易變壞?3個不能置放藥物嘅地方

有病睇醫生,醫生開藥畀病人返屋企食。問題嚟喇,藥未食晒,點處理好?

未食嘅藥放喺室溫、乾燥、陰涼地方就可以,最好唔好有陽光曬住,除非特別注明要放雪櫃冷藏,例如眼藥膏之類,否則唔使入雪櫃。

不過唔知點解,老一輩當雪櫃係萬能,食剩藥最鍾意放雪櫃,話可以保存得耐啲喎。其實藥唔好隨便放雪櫃,會令藥易受潮而變質。如家中有小朋友,有機會令小朋友誤以為係糖食落肚就大件事。

另一個不宜存藥地方係車廂。有駕車人士貪方便,食剩藥放車廂。車廂溫度高,尤其夏天架車曬住嘅話,熱到爆,藥有可能因為高溫而變質。

就算你無車,帶藥出街食,最好用個袋袋住,唔好就咁放喺身上或褲袋裡,因為藥可能因為體溫或被衣服等擠壓而變質,食壞你。

基本上,醫生開藥都係按病情而定,食晒為一個療程,大家唔好自行判斷病情而隨便斷藥,又將食剩嘅藥存放起嚟留下次食,或者畀其他人食,咁做好危險,始終你唔係醫生,咪亂嚟!

相關文章
30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性