現實版多莉？美少女每兩小時失憶一次！
美國一位16歲少女 Riley Horner，喺今年6月玩人體衝浪嗰陣，唔小心俾其他學生踢中咗個頭！原本醫生睇過後診斷佢只係腦震盪，但竟然無諗到電影般嘅情節就發生咗 --- 由呢刻開始，每過兩個鐘頭佢就會失憶一次！唔係太頭蝦咁簡單，除咗唔記得啲嘢放喺邊之外，就連日子都會失憶！
呢啲橋段喺電影就話浪漫，但嚟到現實，就真係唔係咁值得高興喇.....
Riley話：即使佢努力咁諗，有啲嘢就點都記唔到，連自己舅父剛剛過身，佢都完全無印象。
就算搵咗好多醫生做了檢查，都始終唔知問題喺邊度，所以Riley而家要隨時帶住紙筆，記得身邊所有事情，仲要較定鬧鐘，每2個鐘頭就要回顧一下今日發生咩事！
報導參考：http://bit.ly/2kuR0qT