上山頂賞美景歎韓式甜品 百味堂牛奶雪花冰奶味濃唔變水| likemagazine.com.hk
Shopping
韓式甜品店百味堂在山頂開店,推出多款新甜品。

上山頂賞美景歎韓式甜品 百味堂牛奶雪花冰奶味濃唔變水

坦白講,作為香港人,就算香港山頂風光明媚,但無事無幹,甚少登頂閒遊。不過,今個夏日大家有足夠的理由和動機上山一遊,因為山頂廣場最近大翻新,有多間話題新店進駐。其中一間就是百味堂。呢間來自韓國的高級雪糕店,2017年首度來港開店,隨即成為城中熱話,創下日賣1,500杯牛奶雪糕的紀錄。今回「登頂」在香港山頂開店,不但在店舖裝修上花心思,更推出全新甜品,甜品控不要錯過品味機會;對喜歡打卡的人來講,美景加甜品,呃like更易!

 

山頂廣場的百味堂一改過往小巧格局,今次要「搞大」!新舖逾1,500呎,以火山岩色為主調,半開放式的用餐區,給人開揚舒適感覺,而且帶點古式韓風feel

新店以火山岩為主調,營造舒適自然感。半開放式用餐區,甚有韓式古風feel。

 

新店有多款新甜品,重點推介是韓式雪花冰。牛奶雪糕雪花冰睇落白雪雪質感軟綿綿,入口的確如此,而且勁有奶味。重點是賣相造型簡約得來好鬼cute,中間的嗰一篤,是招牌有機牛奶雪糕,白白相襯,pure到好想一啖食晒落肚!鍾意水果甜香味就要試新鮮芒果士多啤梨雪花冰,夏日歎最啱feel。韓國人飲食玩gimmick又重養生,韓國紅豆粥是呢間店的王牌,紅豆加林柿乾在大鐵鍋內煮,即點即舀,新鮮熱辣,豆味超濃。按不同季節,有可能加入番薯或栗子等,提升口感,味道更好。

 

牛奶雪糕雪花冰牛奶雪糕雪花冰 $98

新鮮芒果士多啤梨雪花冰新鮮芒果士多啤梨雪花冰 $128

韓國紅豆粥韓國紅豆粥 $38

 

若果之前有幫襯過百味店,都知道其軟心牛奶忌廉麵包和有機咖啡很受歡迎。在山頂新店,變奏版給粉絲驚喜。黃豆粉牛奶麵包的外層的有機牛奶麵包布滿业香黃豆粉,甘香軟熟,內裡的手製牛奶忌廉,香香甜甜。名為Peak Latte的山頂限定鮮奶咖啡,特調咖啡上有一層奶泡和厚忌廉,口感倍添幼滑。

 

黃豆粉牛奶麵包黃豆粉牛奶麵包 $38

Peak LattePeak Latte $58

 

今時今日,食買分不開。百味堂都在山頂店推出自家限量紀念品,包括:tote bag、牛奶雪糕USB、保溫壼及襟章。在店消費便可以換購。

百味堂環保布袋百味堂環保布袋

牛奶雪糕 USB牛奶雪糕 USB

百味堂保溫壼百味堂保溫壼

百味堂標誌襟章和牛奶雪糕襟章百味堂標誌襟章和牛奶雪糕襟章

 

INFO

百味堂

地址:山頂山頂道118號山頂廣場一樓106

查詢:https://www.facebook.com/bmd1964hk/

 

  

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

 

相關文章
精選節日好禮精選節日好禮 壓軸掃貨機會   工展會逆市大激減壓軸掃貨機會 工展會逆市大激減 一個網訂晒!上班之友,Office、個人、家居護理品等通通有得訂 | 網購 | 健康生活網店一個網訂晒!上班之友,Office、個人、家居護理品等通通有得訂 | 網購 | 健康生活網店 天然巴西紫莓粉 | 減輕身體及皮膚炎症,長期病患者也適用!| 皮膚炎 |  網購 | 健康生活網店天然巴西紫莓粉 | 減輕身體及皮膚炎症,長期病患者也適用!| 皮膚炎 | 網購 | 健康生活網店 想食靚黑毛豬火腿?專家教你揀貨 5 個Tips!想食靚黑毛豬火腿?專家教你揀貨 5 個Tips! 高效清潔同時環保 殺滅家居99.99%常見細菌 | KARCHER德國高潔 | 健康生活網店高效清潔同時環保 殺滅家居99.99%常見細菌 | KARCHER德國高潔 | 健康生活網店