紅磡1仔冰室歎冠軍奶茶 旦旦系列滑蛋滑到無朋友 | likemagazine.com.hk
Shopping
紅磡新開「1仔冰室」,有曾獲金茶王殊榮的葉師傅坐鎮,其冠軍奶茶,奶茶迷必試。

紅磡1仔冰室歎冠軍奶茶 旦旦系列滑蛋滑到無朋友

好多人幫襯茶餐廳,目的為歎杯靚茶。身在紅磡,又想歎杯靚奶的茶,好地方有「1仔冰室」。坐鎮呢間冰室的葉達生師傅,曾獲2018年國際金茶王大賽十年杯國總冠軍、國金茶王大賽香港區冠軍及金鴛鴦香港區總決賽亞軍,殊榮一籮,可見其沖茶功架。葉師傅透露,奶茶的靈魂是茶底,佢用上5個產地的錫蘭紅葉自家調配,茶底經他秘方拉過後,濃香醇滑但不澀口,混入奶後更是滑不溜口,茶味芳郁。有人鍾情熱奶茶的原始風味,也有人喜歡凍奶茶入口爽滑的快感。為了令喜愛凍飲的人嚐到最完美的奶茶,葉師傅特別推出「金茶王樽仔奶茶」,把冠軍奶茶載入玻璃樽中雪凍,不加冰,不會溝淡,失去奶茶風味。如要試真葉師傅的沖茶真工夫,「金茶王set」是味蕾的大滿足。一set兩杯,奶茶加鴛鴦,茶底比冠軍奶茶更講究,茶味與別不同。

 坐陣呢間冰室的葉達生師傅,曾獲2018年國際金茶王大賽十年杯國總冠軍,沖茶工夫一流。

新開無耐,環境新淨企理,採用湖水藍色為主調,襯上淺木餐格,感筧舒適自然。室內有幅牆以懷舊冰室茶檔特色為設計元素,頗有特色。「金茶王樽仔奶茶」單售$25,跟餐加$20,玻璃樽可外攜,下次帶回樽仔,即減$5。「金茶王set」由葉師傅親自沖調,雖然兩杯茶索價$88,但貨真價實,茶迷要試啊!

 

歎靚茶以外,呢間冰室的食物都有水準。招牌推介有「1仔旦旦系列」,用上湖北一級靚蛋,蛋味特濃。師傅精心研究炒滑蛋的技巧,強調不如外間加忌廉令蛋變滑,主要以控制火喉來炒出滑蛋。必試有「牛乳滑旦叉燒飯」及「1仔旦旦沙嗲牛肉包」。前者是滑蛋和叉燒一滑一硬,口感層次豐富,點睛位是澆上的豉油,經典味道,一試難忘;後者是創意之作,將茶餐廳最愛歡迎的炒滑蛋、多士及沙嗲牛共冶一爐,合為一體,一口滿足你幾個願望。

 

牛乳滑旦叉燒飯$52(熱飲跟餐免費,凍飲加$3)1仔旦旦沙嗲牛肉包$42 (熱飲跟餐免費,凍飲加$3)

 

下午茶時段,可以試試棉花糖朱古力多士。甜吃能令人有好心情,多士上枱,看見焗到脹鼓鼓的棉花,已經心花怒放,入口是甜甜的朱古力和棉花糖,以為甜到死,但試過就知剛好,多士又夠脆,是女生打卡嚐味的首選。 

棉花糖朱古力多士$36 (熱飲跟餐免費,凍飲加$3)

 

晚飯時間要吃點豐富的,介紹你招牌「籠仔龍蝦鮑魚蒸飯」。海鮮是當日街市新鮮貨,半隻龍蝦、3隻鮑魚,配上蛋白炒飯,分量十足,而且非常鮮味。兩個人撐枱腳,叫個飯,飲杯靚奶茶,美妙晚餐唔一定要去貴價高級餐廳先可以享受到,呢度都可以歎得到。

 籠仔龍蝦鮑魚蒸飯 $188

 

 

 

INFO

1仔冰室

地址:九龍紅磡必嘉街92112號紅磡灣中心地下9C

電話:3118 8111

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

 

相關文章
調查發現港人隔日去茶記                         最愛小食西多士登榜首                      特別推介咖央西多士調查發現港人隔日去茶記 最愛小食西多士登榜首 特別推介咖央西多士 夏日榴槤飄香                  4式享受榴槤滋味夏日榴槤飄香 4式享受榴槤滋味 每位$199任點任食Häagen-Dazs雪糕                      8月30日前逢星期五優惠每位$199任點任食Häagen-Dazs雪糕 8月30日前逢星期五優惠 漢堡大熱經典創新各有支持  Shake Shack新出限定口味vs時新經典港式漢堡漢堡大熱經典創新各有支持 Shake Shack新出限定口味vs時新經典港式漢堡 曼秀雷敦開倉勁減       護膚美妝品低至3折            曼秀雷敦開倉勁減 護膚美妝品低至3折 Snoopy聯乘hellolulu出靚袋      慶祝人類登月50年         Snoopy聯乘hellolulu出靚袋 慶祝人類登月50年 創意挑戰LEGO屯市創意工場                      手機玩遊戲樂高快遞員送上驚喜 創意挑戰LEGO屯市創意工場 手機玩遊戲樂高快遞員送上驚喜 Cath Kidston減價    平買英式少女風旅遊產品Cath Kidston減價 平買英式少女風旅遊產品