中秋8星伴月套裝附送月球小夜燈

Focus 2019-08-19

中秋送月餅作禮物，有人花心思在口味上，覺得始終食落肚，好味要緊。但都有人較著重賣相，先吸引眼球，希望賺取好感。如果你是後者，今次Josi小編介紹呢個「真‧八星伴月」月餅套裝，用來送禮可以話搶晒fo！隨月餅附送的小型月球燈，中秋賞月，唔使望天打卦，月亮就在眼前，應節又好玩，過了中秋又不會浪費，可作小夜燈，為家居添氣氛。月球燈吸晒睛，套裝睇得見得人之外，食味都令人有驚喜。出品呢個套裝係Choco Bakery松谷，呢間烘焙教室由3個80後經營，當中有人曾是COVA甜品大師，所以甜品出品一向大口碑，也是本港多間知名餐廳的甜品供應商。今次月餅套裝內的流心奶皇月餅，嚴選材料製作，包括日本麵粉、雞蛋、吉士粉等，外層酥皮酥香美味，內裡啖啖鹹香蛋黃味，最正當然是流心，食味層次一流。店方建議食用前先放入微波爐叮10秒，便可確保月餅切開是流心，滿足食慾。每盒$388，同一訂單10盒以上可享免費送貨1次。