時代廣場city’super翻新後開幕 即點即嚐即煮即享環球美食| likemagazine.com.hk
Shopping

時代廣場city’super翻新後開幕 即點即嚐即煮即享環球美食

相信好多人同Josi小編一樣,每次路經city’super,睇見食品櫃內擺放各式各樣新鮮食材,即時「廚神」上身,諗下點樣運用眼前的食材,煮出美味菜式。不過,幻想唔等於事實,自問無廚藝功架,咁靚嘅食材買返去只係浪費!如果可以即場食咗佢,將美味完全擁有和享受,唔係更好咩?銅鑼灣時代廣場city’super經過個多月裝修,終於完成首階段翻新,並將於816日開幕。全新格局形象,亮點之一是提供即點即嚐體驗,大家可以在6大美食佳釀專區,品嚐到以世界各地優質食材炮製的美食如:東。西。薈炕燒牛肉拼盤、漁人海鮮拼盤、日本豚角煮豬骨湯拉麵等。另外,你又可以直接自選食材,交由city’super幫你即場煮。以後去開銅鑼灣,大家又多個開餐地點的選擇喇!

 

 

美食推介

 

西京燒紐西蘭野生橙魚定食 $88

來自紐西蘭清澈深海的橙魚因壽命可超過100 歲而被稱為「長壽魚」,味道清淡,肉汁豐富。定食以白味噌帶出橙魚的清香,配以「無洗米」所煮成的米飯,飯質濕潤柔軟,與肉質結實的西京燒橙魚帶來口感層次豐富的美味享受。

 

白酒煮時令活青口 $68

澳洲有機活藍青口出名肉質飽滿鮮甜,以最基本的白酒煮,引出最強鮮味。

 

漁人海鮮生蠔拼盤 $588

拼盤以優雅鳥籠載著,內有嚴選多款當季生蠔包括澳洲高紛灣蠔、city’super 特選生蠔和法國吉拉得生蠔,以及多款優質凍海鮮如加拿大熟龍蝦及翡翠螺、泰國熟原隻白對蝦、釀麵包蟹蓋和熟雪花蟹鉗,鮮味大匯集!

 

海膽刺身海鮮丼 $388

海鮮丼滿載漁民以可持續發展原則下採捕的北海道鮮及海膽,讓大家嚐到優質鮮味,也保護海洋。

 

東。西。薈。炕燒牛肉拼盤 $628

拼盤包括4款來自全球各地優質牛肉,包括由city'super自家製的60天乾藏熟成英國Lincoln Red純草飼肉眼、美國長期穀飼安格斯西冷牛扒、A5 級和牛西冷,以及city'super 獨家引入的極品韓牛──橫城韓牛。牛魔王大滿足。

 

炙燒日本山形A5 級和牛壽司 $98  (嘗味價)

和牛用火槍的高溫逼出油脂,肉質入口嫩滑,不油不膩,一口輕食分量,啖啖滋味!趁現在有「嘗味價」即係可以食平啲,試下啦!

 

香辣爐烤法國朗德省頂級走地黃雞 $248

雞隻飼養在法國西南部蘭德斯地區森林最少84天,在天然的環境下自由走動,並以飼料方面包含80%的玉米及20%來自森林的天然糧食。經烤香後,雞味濃郁,肉嫩汁多。

 

博多屋豆腐野菜  $82

天氣熱無胃口,沙律醒胃清新可口。沙律有多種野菜,色彩繽紛,令人一見食指大動;加入滑嫩豆腐,營養豐富又美味。

 

日本豚角煮豬骨湯拉麵 $128

採用了西山製麵的拉麵,軟和及有嚼勁的麵條,配上特製的湯底,味道香甜。豚角分量十足,大胃口都夠飽。

 

日本北海道鱈場蟹腳醬油拉麵 $198

鱈場蟹肉質飽滿、鮮甜多汁,原條上枱,配搭有嚼勁的西山製拉麵,麵條均掛滿鮮味濃郁的湯底,帶來拉麵最好滋味。

 

INFO

www.citysuper.com.hk

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
暑假出遊 MUJI to GO平買出遊良品 創意挑戰LEGO屯市創意工場 手機玩遊戲樂高快遞員送上驚喜 北海道 Ice no Ie雪糕銅鑼灣崇光開店 開幕優惠買6送1 友和YOHO平買Tripollar美容儀 美肌療程在家自己做 Pacific Coffee推可重用膠飲管餐具響應環保 一幻拉麵慶祝尖沙咀店1周年 免費請8月9月壽星正日食拉麵 旺角MOKO挑戰恐怖密室 延展實境遊戲解謎 南小館副線cafe賣上海點心 悠閒下午茶$78兩人享用