調查發現港人隔日去茶記 最愛小食西多士登榜首 特別推介咖央西多士| likemagazine.com.hk
Shopping

調查發現港人隔日去茶記 最愛小食西多士登榜首 特別推介咖央西多士

茶餐廳是港人飲食之光,唔止是港人生活中不能缺少的一塊,茶餐廳文化近年更在世界各地開花。最近有個健康生活資訊網站公布港人至愛飲品小食調查,結果顯示,近9成人隔日就幫襯茶餐廳,近6成人鍾意去茶餐廳食早餐。至於最愛飲品,就算無調查,大家都估到勝利將軍是奶茶,港人平均每星期飲2.1杯。其次為檸茶和檸水,分別為每星期飲1.5杯及1杯。輪到小食,登上榜首的是西多士,第二及三是炸薯條和炸雞髀。西多士眾望所歸,相信與其是炸物和甜點的合體有關,一次嚐到兩種小食的滋味,完全符合港人貪心的特性。

 

香港人愛吃西多士的程度有幾勁?進行今次「至愛港式飲品小食調查」的單位推算,每年港人吃了超過3.2億份西多士,數量多至足以環繞地球1圈。

 

近年西多士被有心的廚師和食家加入新元素,例如潮興的一口西多士,一口一件,食得方便。內餡方面,都有唔少新創意,除了大熱的甜味花生醬外,鹹味西多士都大受歡迎,夾芝士、火腿、吞拿魚都有,層出不窮。人人口味不同,Josi 小編個人覺得內餡是甜味,先係西多士絕配。最近路過銅鑼灣新開張的南山冰室,新餐廳一於試試味,食咗充滿星馬風味的咖央西多士,撩起食西多士的心癮。呢款西多士內的咖央,是大廚親自製作,用雞蛋和椰奶混合而成,椰香味濃。西多士外層炸香,但一啲都唔油。包面牛油 受熱半融,混合糖醬,輕鹹和甜味混合,很滋味。

 

咖央西多士的咖央是主廚秘方炮製,椰香味重,甜度適中。$32

 

南山冰室的大廚祖籍馬來西亞,後移居香港生活,所以菜式既有港味又加入其家鄉風味。其他都值得一試的食物包括:沙嗲牛肉麵、招牌海鮮喇沙、馳名海南雞配椰香飯和肉骨茶等。除了星馬美食,冰室都有港式風味及招牌燒味菜單,滿足不同口味。日日食港式茶餐廳覺得少少悶,想要點新鮮感,呢間冰室畀到你。

 

沙嗲牛肉麵 $48 (常餐配煎蛋、咖央士及熱咖啡/)

大廚將港人至愛沙嗲牛肉麵變奏,糅合馬來風格,馬拉沙嗲醬拌牛肉,超惹味。配上港式粗麵,口感十足。

 

招牌海鮮喇沙 $55

要知道一間專做星馬菜的餐廳是否正宗到家,一試喇沙就知道。呢碗湯底用上蝦米、蝦膏、干蔥、蒜茸等材料熬製,味道甘香微辣,又有椰香,貼合本地大眾的口味,又能保留喇沙之神髓。

 

馳名海南雞配椰香飯 $68

近年一街都賣海南雞,你估真係個個煮海南雞都好味咩?但呢個,真心講幾好味。用低溫烹調雞隻,雞肉保持鮮嫩。焦點在椰香飯,咪以為白雪雪係白飯,入口就試到味,加入蒜頭、香茅、椰奶煮,總之就係傳統味。

 

肉骨茶 $38

湯底藥材味偏重的肉骨茶,所用的藥材是主廚自行調配,包括:當歸、玉竹、黨參等。豬肉選用肉多柔軟的西施骨,暖胃又滿足。

 

 

INFO

南山冰室

地址:香港銅鑼灣新會道2號地舖

營業時間:上午7時半至晚上10

電話:3571 9230

 

 

TEXTJosi Yan

Photofreeimages.com

有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
想食靚黑毛豬火腿?專家教你揀貨 5 個Tips!想食靚黑毛豬火腿?專家教你揀貨 5 個Tips! 壓軸掃貨機會   工展會逆市大激減壓軸掃貨機會 工展會逆市大激減 精選節日好禮精選節日好禮 一個網訂晒!上班之友,Office、個人、家居護理品等通通有得訂 | 網購 | 健康生活網店一個網訂晒!上班之友,Office、個人、家居護理品等通通有得訂 | 網購 | 健康生活網店 天然巴西紫莓粉 | 減輕身體及皮膚炎症,長期病患者也適用!| 皮膚炎 |  網購 | 健康生活網店天然巴西紫莓粉 | 減輕身體及皮膚炎症,長期病患者也適用!| 皮膚炎 | 網購 | 健康生活網店 高效清潔同時環保 殺滅家居99.99%常見細菌 | KARCHER德國高潔 | 健康生活網店高效清潔同時環保 殺滅家居99.99%常見細菌 | KARCHER德國高潔 | 健康生活網店