親子半天遊下白泥 勇闖紅樹林玩樂兼學習 | likemagazine.com.hk
Special

親子半天遊下白泥 勇闖紅樹林玩樂兼學習

傳說中下白泥嘅日落好靚,今次我哋終於有機會去睇吓喇!呢日余媽媽一家參加咗Get Set Parents嘅活動,一齊到下白泥郊遊去, 親親大自然!

 

先講交通, 我地冇揸車,所以搭公共交通工具去下白泥。朋友經驗: 的士和Uber未必肯入去,所以我哋一心搭小巴。我哋中午左右喺元朗市(水車館街) 33號小巴往下白泥,車程大約半小時,每20分鐘一班車。見到「鴨仔坑士多」呢個大招牌就可以叫車長停車喇!(走嘅時候可以喺士多門口等番33號小巴出元朗, 途經天水圍西鐵站,其實都幾方便) 如果揸車嚟嘅朋友,可以直接泊車喺士多附近,日泊都係$30,超級抵!

 

 

鴨仔坑士多比我想像中大,而且風景仲好優美,四周種滿植物,加上木質嘅建築,充滿大自然氣息。喺度食嘢特別舒服,影相更是美。美。美~ (溫馨提示: 呢度2pm先正式營業㗎)

 

話咁快已經兩點喇!既緊張又興奮!勇闖紅樹林奇妙旅程即將展開!喺士多內集合後,導師就開始介紹當日嘅活動安排。今次嘅活動主要想透過《Peter Pan 勇闖紅樹林》呢個為人所熟識嘅人物和故事, 引起小朋友的興趣,一起進入童話世界探索。當中會利用多個簡單的實驗,了解及實踐不同的科學原理及概念。無錯! 學習從來都不是只靠理論,而是要自己動手做、動腦筋才可深入了解!

 

第一個實驗就係利用浮力原理,DIY海盜船喇!大家都一齊動腦筋,利用提供的材料製作一隻行得最快嘅海盜船啊!我哋全家一起手做, 余小b也很投入。很快便大功告成,可以出去紅樹林附近的石灘試航了!(後感: 雖然我哋隻船唔係最快,但係過程中不斷修正, 終於想出做到,一隻最快嘅海盜船的竅門了!下次再做會更有信心!Learning by doing真的非常有效!)

 

 

再行前少少已經到達紅樹林嘅範圍了!很大片濕地啊!一望無際的感覺,空氣很清新。一於同大自然全接觸。第一次在濕地上赤腳行走,感覺很特別。大家可以多鼓勵小朋友赤腳喺濕地上行走,是一項很好的觸感訓練。我哋仲見到好多蟹bb和彈塗魚,很可愛呢!另外,又見到很多秋茄樹嘅果實 形狀似支筆,會隨水漂流,潮退就會漂到近岸的泥土落地生根。余小b忙碌地「植樹」,玩到唔捨得走,快樂其實好簡單。

 

哎呀!掛住玩,差啲忘記咗今日嘅任務係要嚟紅樹林「救人」㗎!導師早已把小朋友公仔預先藏於紅樹林區,小朋友要細心觀察,用超凡嘅眼力和觀察力去搵番呢啲「小朋友」出嚟。大家都好叻叻呀!做得好好!好快就搵到。所以,獎大家去玩尋寶同自己做寶藏。

 

另外,導師用了食用梳打粉同小朋友一齊做咗幾個小實驗,小朋友們都很感興趣, 聽得很入神。而導師就有問必答, 非常細心和平易近人。之後,再來考察濕地小生物,用顯微鏡app觀察。

 

開心嘅時間過得特別快,快要到日落時間了!大家返士多清洗一下手腳,導師也準備了鞋刷畀我哋清潔鞋子, 很貼心。鴨仔坑士多提供多款簡單食物,包括:公司三文治、 麪、 魚蛋、 燒賣、 雪糕、飲品等,價錢跟茶餐廳相若, 沒有開天殺價,很有良心!可能是太肚餓,我哋覺得呢份公司三文治特別美味啊!

 

當然要出去睇埋日落先走啦!傍晚6點半左右睇日落好靚,睇住個鹹蛋黃慢慢消失,天空一片晚霞, 很有氣氛!

 

很開心難忘的一個下午,之後的一星期余小b都不斷跟我哋分享當日活動的精采時光,仲話下次要再整過一隻行得最快嘅海盜船添! (支持您~~~)

 

 

 

余媽媽溫馨tips

如果想係紅樹林玩得開心又輕鬆,可以留意以下幾點:

1) 帶定水鞋方便進入水坑和濕地~

2) 做好防曬和防蚊準備~

3) 帶備多1套衫褲更換~

4) 帶備足夠清水,在太陽下補充足夠的水份很重要~

 

  

本文獲facebook專頁「余媽媽手記」授權轉載及潤飾。

https://www.facebook.com/yumamabb/

 

 

 

 

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
南涌出發1小時達屏嘉石澗 | 觀賞香港大型壼穴奇景南涌出發1小時達屏嘉石澗 | 觀賞香港大型壼穴奇景 真正屬於香港人的中秋月餅│ 大歡喜餅家傳統廣式月餅真正屬於香港人的中秋月餅│ 大歡喜餅家傳統廣式月餅 15分鐘直登嘉頓山│180度無遮擋賞西九龍美景15分鐘直登嘉頓山│180度無遮擋賞西九龍美景 不外遊的日子重新發掘香港的美│4個影日落的好去處不外遊的日子重新發掘香港的美│4個影日落的好去處 黃大仙出發行1小時瞰九龍半島│沙田坳獅子亭打卡歎山水豆腐花黃大仙出發行1小時瞰九龍半島│沙田坳獅子亭打卡歎山水豆腐花