銅鑼灣新開KFC概念店 新出雞美食套餐開心share | likemagazine.com.hk
Shopping

銅鑼灣新開KFC概念店 新出雞美食套餐開心share

在銅鑼灣一帶返工或出沒活動的人應該發現,KFC在波斯富街及軒尼詩道交界開咗間新店。呢間是KFC 全港首間Concept Store概念店,以半café全新形象示人,裝修布局跟平時大家見慣見熟的唔同,休閒感覺強烈啲,令人有全新的「食雞」體驗。呢間店更營業至12點,夜鬼食消夜,又多個地方。新店地下是甜品小賣部,行街路過想食點甜或來杯凍涼飲品,小食部有售甜品、雪糕及飲品。樓上一樓是自助點餐區,座位主要是吧座。二樓是用餐區,布局休閒感強,更relaxKFC強項是炸雞,Concept Store當然不止供應一般炸雞,仲會定期推出新餐單,當店獨賣,給愛吃雞的人全新食雞享受。主廚Jeff Lo發揮創意,將炸雞變變變,讓喜愛食雞的人大飽口福。Jeff強調,設計新食品時以滋味共享為理念,同時嘗試加入新元素,希望為炸雞帶來新鮮感。

 

銅鑼灣概念店營業至12時,夜收工搵地方開餐或食消夜,又多個地方選擇。

一上樓梯就見到肯德基上校捧住桶雞飛身出來歡迎你。

樓梯位的立體置藝術作品,增添現代感。

店員換上新制服,更見青春活力。

主廚Jeff Lo(左)把炸雞升級,賦予雞美食新鮮感和食味驚喜。

 

 

全新當店獨賣雞套餐

 

薄餅雞 $49(2件配汽水1) / $88(4件配汽水2)

KFC撚手是炸雞,而Pizza也是不少人喜愛的食品之一。Jeff竟然創意無限,將兩者合二為一,變成ChickPizza,以香辣炸雞作「餅底」,炸雞面先塗一層茄醬,再加上芝士、菠蘿及粟米焗,一款食品歎到兩款經典美食的味道。Josi小編試過,整體味道不錯,令炸雞滋味更上一層樓。

 

醬燒雞扒田園沙律餐 $52

健康飲食成為大潮流,就算食快餐,都要健康啲。燒雞加上沙律,擺明滿足多數人魔鬼的慾望,同時又有天使的安慰。燒雞香口,沙律清新,OL應該最like。套餐跟配汽水1杯。

 

家鄉雞皇扒焗飯餐 $52

白汁雞皇飯向來是KFC飽肚人氣之選,有肉有飯有汁,打工仔快飯恩物。芝士白汁雞扒雞皇飯是升級版,加入雞扒,啖啖肉之餘,更用上3款芝士包括車打芝士、巴馬臣芝士和水牛芝士舖面焗,芝士勁濃,芝士控一定要試!套餐配田園沙律或清新番茄湯及汽水1杯。

 

醬烤雞翼拼盤 $88

雞翼人見人愛,呢個拼盤有9件共3款口味雞翼,包括:芝士蒜香、蜂蜜燒烤和泰式辣醬,無論喜好甜、辣或鹹香,一次過滿足不同的喜好。拼盤配大薯條、沙律及兩杯汽水。

 

燒春雞套餐 $138

「食雞」不宜獨食,美味要share。呢個套餐絕對是好友同行開餐的必點之選。全隻雞即點即烤,上枱時烤雞香噴噴,引人垂涏。大家可以帶住手套撕雞肉食,勁有fun。燒雞燒得火喉剛好,肉嫩有肉汁。配菜薯格香脆惹味。套餐包田園沙律及兩杯汽水。

 

驚喜食味預告

今期流行鹹蛋黃,呢股美味風格即將殺到KFC。炸雞外裹芝士鹹蛋醬,邪惡到極點!留意!鹹蛋黃炸雞薯條拼盤要待9月才正式登場,大家望梅止渴先!

 

 

INFO

KFC 全新概念店

地址: 香港銅鑼灣軒尼詩道479-481號及波斯富街29號東南大廈地下至二樓A1號舖

網址:www.kfchk.com

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
三眼仔胡迪主題護脊書包   萬寧低至4折限量換購          三眼仔胡迪主題護脊書包 萬寧低至4折限量換購 星巴克靚杯系列                              中秋月兔vs咖啡師之日常                       有隻靚杯飲啖水都覺甜!星巴克靚杯系列 中秋月兔vs咖啡師之日常 有隻靚杯飲啖水都覺甜! LINE FRIENDS outlet東涌開幕                       逾半BROWN&FRIENDS精品3折至7折                 LINE FRIENDS outlet東涌開幕 逾半BROWN&FRIENDS精品3折至7折 紅磡1仔冰室歎冠軍奶茶               旦旦系列滑蛋滑到無朋友                                         紅磡1仔冰室歎冠軍奶茶 旦旦系列滑蛋滑到無朋友 Dustykid小塵進運飲食界       上環開茶店鮮製茶食療癒心靈Dustykid小塵進運飲食界 上環開茶店鮮製茶食療癒心靈 美心老點懷舊了能菜點心                         重現失傳美饌重溫當年滋味美心老點懷舊了能菜點心 重現失傳美饌重溫當年滋味 KÄRCHER九龍灣期間限定店                   購買清潔設備享驚喜優惠KÄRCHER九龍灣期間限定店 購買清潔設備享驚喜優惠 漢堡大熱經典創新各有支持  Shake Shack新出限定口味vs時新經典港式漢堡漢堡大熱經典創新各有支持 Shake Shack新出限定口味vs時新經典港式漢堡