香港終於有驚安殿堂 24小時平掃日貨 | likemagazine.com.hk
Shopping

香港終於有驚安殿堂 24小時平掃日貨

每次去日本,就算行程有幾緊密,都要抽時間去「驚安の殿堂」(又名唐吉訶德(Don Quijote) 」行一轉先覺得完滿。若果你都是「驚安」的鐵粉,由今日起,朝聖唔使搭飛機,近近地去尖沙咀,已經可以還心願,因為「驚安」正式登陸香港。

 

 

香港分店取名為「DON DON DONKI」,有人驚訝點解跟日本店的店面、格局好似有少少唔同。其實「DON DON DONKI」是「驚安」的其中一個商店概念,簡單可以理解為海外版,現於新加坡及曼谷都有分店,主要賣日本製造或以日本為主題的商品。至於今日開幕的香港分店,佔地2.3萬尺空間,在香港寸金尺土的環境來講,間舖都算是巨型,貫徹日本店的作風,差不多只要關乎日常起居生活乜都有得賣,由家居及生活百貨、玩具、美容及健康商品,以至等新鮮水果蔬菜、海鮮、肉類、熟食、零食、日本美食都有。另外,不少得是獨家品牌商品,並以超吸引價格出售。日本說法是「情熱価格」,廣東式說法即係「燒鵝味道,蔗渣價錢」,想執筍貨,大家定時去尋寶。成間舖就似超市、百貨公司、美妝店和精品店的合體。最重要一點係,「DON DON DONKI」是24小時營業,夜深無眠夜,又想揾地方消磨,終於選擇唔止7仔、老麥和酒吧!

 

新店開張,有禮送!首1,000名以單一收據消費滿$300或以上,即可獲香港限量版Donki布袋。吉祥物Donpen更會於今天(12/7)同香港粉絲見面打卡!

 

INFO

DON DON DONKI

地址:九龍尖沙咀彌敦道118號美麗華廣場2B1

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
高效清潔同時環保 殺滅家居99.99%常見細菌 | KARCHER德國高潔 | 健康生活網店高效清潔同時環保 殺滅家居99.99%常見細菌 | KARCHER德國高潔 | 健康生活網店 想食靚黑毛豬火腿?專家教你揀貨 5 個Tips!想食靚黑毛豬火腿?專家教你揀貨 5 個Tips! 天然巴西紫莓粉 | 減輕身體及皮膚炎症,長期病患者也適用!| 皮膚炎 |  網購 | 健康生活網店天然巴西紫莓粉 | 減輕身體及皮膚炎症,長期病患者也適用!| 皮膚炎 | 網購 | 健康生活網店 一個網訂晒!上班之友,Office、個人、家居護理品等通通有得訂 | 網購 | 健康生活網店一個網訂晒!上班之友,Office、個人、家居護理品等通通有得訂 | 網購 | 健康生活網店 精選節日好禮精選節日好禮 壓軸掃貨機會   工展會逆市大激減壓軸掃貨機會 工展會逆市大激減