7-Eleven 1日限定優惠 自家品牌 買2件享7折 精選8款必試輕食

一街都係小食店和餐廳，究竟因乜驅使你行入7-Eleven便利店買嘢食呢？除咗因為夜已深，其他食店已打烊，肚餓要食無得揀之外，近年令人有舖癮行入去買小食、點心、早餐，係因為花款多咗，尤其自家品牌7-SIGNATURE，食味確有水準，部分如早餐三文治、個裝麵包、輕食等，賣相更令人有試食衝動。明天就是7月11日，特別日子要賀一賀，7-Eleven推出1日限定優惠，全線自家品牌 7-SIGNATURE 產品，買 2 件或以上可享 7 折優惠*！未試過7-SIGNATURE的你，可以趁優惠買多兩款試一試；一向有幫襯的你，都可以把握優惠，多買幾款，滿足口慾！

朱古力味蜜瓜包 $10  

面層是朱古力酥皮和朱古力醬，麵包用 比利時朱古力製成朱古力麵團 ，每口都充滿朱古力味，朱古力控必要試。

日式芥末醬黑椒牛肉三文治 $20 

高水準三文治，方包以 100% 日本麵粉製成，口感柔軟，內餡的煙燻牛肉，整塊上有口感，加上粒粒黑椒碎和日式芥末醬，好惹味。

皇牌點心拼盤 $16

打破叮叮點心乾硬難食定律，蝦肉燒賣、蝦餃及牛肉球無大酒樓水準，都唔會輪比街邊小食店。一包8粒點心，一口一粒，食得方便。 真心推介要試試！

麻辣八爪魚韓式手卷 $20

下午茶時間，想食少少嘢頂肚餓，但唔想去餐廳叫個套，叮個手卷食，分量剛好。呢款手卷內餡是爽口的韓式八爪魚粒，配上川式麻辣醬，微辣好開胃。

北海道富良野蜜瓜忌廉瑞士卷  $13

甜食是7-SIGNATURE強項之一。呢個瑞士卷，睇落好日系feel，北海道富良野蜜瓜果醬加蜜瓜味忌廉，蜜瓜味超濃，外層的蛋糕頗軟熟，啖啖清新幸福感。

黑椒雞髀  $20

食肉獸必試黑椒雞髀，咬落啖啖肉，有少少肉汁，唔會太乾嚡。雞皮有好多黑椒粒，惹味可口。

黑松露 x 日式碎蛋仿蟹柳雙式飯糰 $17  / 件； $27 / 2 件

當飯糰專門店愈開愈多，點解仲要幫襯7-Eleven？一來就腳，二來水準都唔錯囉！餡料是日式碎蛋及原條仿蟹柳，足料，先加一分。加入意大利黑松露醬及黑松露橄欖油，增加香味，配搭有驚喜。

台式芝麻醬涼麵  $23

天氣咁熱，涼麵飽肚又消暑。配料有蛋絲、青瓜、火腿及粟米，以及幾粒漬物，算畀足誠意。重點在醬料，自家秘製醬汁由台灣60年傳統醬油廠出產的高慶泉純釀造泉露醬油製成，加入蒜泥、水果調味醋及純釀造味霖，酸酸甜甜，好開胃。而芝麻醬用上非洲產白芝麻及雲林當季花生，以石臼兩段研磨及由電控烘焙製成，簡單講芝麻味香。撈埋冷麵一齊食，都幾美味。

* 以上全部或部份之優惠不適用於指定香港及澳門店舖 ( 包括但不限於瑪嘉烈醫院、淺水灣、迪欣湖、昂坪市集、亞洲國際博覽館、港鐵海洋公園站、香港西九龍站、港珠澳大橋香港站及澳門國際機場客運大樓離境層分店 ) 。

INFO

https://www.7-eleven.com.hk/zh

有任何旅遊、飲食、購物著數優惠、玩樂、美容或健康等資訊，歡迎大家報料給編輯部小編啊~~

editors@likemagazine.com.hk