夏日榴槤飄香 4式享受榴槤滋味| likemagazine.com.hk
Shopping

夏日榴槤飄香 4式享受榴槤滋味

炎夏到,榴槤飄香。以前食榴槤,食法簡單,多數是水果式品嚐,開殼拆肉大口吃,已經很滿足。雖然榴槤美味,但齋食太寡,而且食用不便,所以飲食界發揮創意,將榴槤和其他美食合體,讓愛榴槤者有更多機會嚐到榴槤的滋味。今個夏天榴槤香處處飄,你準備好胃納嚐盡榴槤的奇味未?

 

麥當勞甜品站速歎果王香

突然想食榴槤,又唔想買成個榴槤或pack裝榴槤肉返屋企,純粹想頂一頂癮,麥記幫到你!麥當勞甜品站再度推出D24榴槤麥旋風,今次仲分3種濃度選擇,滿足不同人的要求。初體驗榴槤之香,可點「D24榴槤麥旋風」,由馬來西亞直送的D24榴槤果蓉和雲呢嗱雪糕混合起來,口感綿滑細膩,陣陣果王香,好此道者心神滿足!要濃味一點,「濃厚版D24榴槤麥旋風」用上多一倍榴槤蓉,味蕾更滿足。超級榴槤控,必要試「終極特濃版D24榴槤麥旋風」,榴槤蓉分量是D24榴槤麥旋風多兩倍!期間限定,要試就要快!

 

D24榴槤麥旋風$25;濃厚版D24榴槤麥旋風$40;終極特濃版D24榴槤麥旋風$55

 

Update (8/7):

榴槤的香味已經夠誘人,但麥當勞再下一城,把同樣以香甜見稱的芒果與榴槤來個crossover,兩種別樹一格的果香夾在一起,為你的味蕾帶來新衝擊。即日起,麥當勞推出呂宋芒果XD24榴槤麥旋風,同樣有3款榴槤蓉濃味畀你揀。

 

呂宋芒果X D24榴槤麥旋風$25:呂宋芒果X濃厚版D24榴槤麥旋風$40:呂宋芒果X終極特濃版D24榴槤麥旋風 $55

 

 

Holly Brown意式榴槤雪糕每日鮮製

要歎榴槤和雪糕合在一起的美味,選擇當然不止麥記。對雪糕食味口感要求高一點的,不妨試試Holly Brown出品。雪糕師傅每天都親自到果欄挑選最新鮮的貓山王作材料,更不惜功本加入比市面多3倍果肉,調配出散發濃濃榴槤香的貓山王Gelato,啖啖都是極致享受!由於榴槤味太濃烈,所以只限外帶,不設堂食。每天限量50杯售完即止,只限中環士丹利街分店有售。

 

貓山王Gelato  每杯$100,購買8杯更可免費獲得保溫袋1個。

 

 

聖安娜榴槤蛋糕開心share

成日話開心要share,美味要share,榴槤美味都要share!聖安娜餅屋最近推出D24榴槤蛋糕,單睇3D像真造型,已經好吸睛!內裡的榴槤忌廉夾心選用來自馬來西亞的D24榴槤果肉加細滑忌廉打成,綿綿口感,濃郁果香,入口回甘,味覺嗅覺都大滿足。

 

D24榴槤蛋糕」造型精美,$178 / 半磅起。

 

 

自助餐任食榴槤甜品

對榴槤控而言,單食一杯雪糕或甜品,始終未夠喉。要在今個夏日為味覺帶來最大的享受,有興趣試試榴槤主題自助餐嗎?富豪香港酒店 御花園咖啡室在即日至91日推出「夏日榴槤盛宴」自助晚餐,榴槤控可以一次無限量勁歎多款榴槤甜品如:D24榴槤布甸、炸榴槤球、榴槤脆條、班蘭榴槤蛋糕等。為免大家食到滯食到膩,同場還有其他冷盤熱葷、肉食海鮮等美食,不少更加入夏日當造水果,讓大家體驗充滿夏日feel的特色美味。平日價成人每位$608,小童$408;星期五至日、公眾假期及其前夕成人$658,小童$408

 

由即日起至201991日,每位成人以原價惠顧自助餐,可享1位小童免費。

 

 

INFO

www.mcdonalds.com.hk

www.sthonore.com

www.hollybrowncoffee.com

www.regalhotel.com

 

  

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
連綿雨天衣物吹唔乾發臭 智能衣架殺菌烘乾除臭 GU驚喜限定優惠 人氣單品超抵價$60 Pacific Coffee推可重用膠飲管餐具響應環保 city’super台灣食之文創 買咗食咗當去咗旅行! 一田優惠日Character寢具低至16折 無印良品減價 優質寢具低至7折 約齊全家食飯慶父親節 3間精選餐廳表心意 GO WILD Pass消費儲里數 獨家換取暑期野遊海外旅遊折扣