工作要快搏到盡 能量版可口可樂幫你充足電
呢幾日大家行過便利店買飲品的話，有機會見過呢款可口可樂！見包裝唔同咗，以為係新版？錯錯錯，其實係可口可樂新推出的能量飲品。香港人做事出命夠搏，但要由朝搏到晚，少啲精神都唔掂！但現實永遠折磨人，在你最忙最唔得閒最多嘢做的時候，精神就最鍾意「玩失蹤」，眼瞓到一個點，眼皮完全唔聽使。呢款名為「Coca-Cola ENERGY」能量飲品採用Guarana（瓜拉納）抽取物瓜拉納抽取物來自一種叫瓜拉納的植物，與咖啡豆、茶葉及可可豆等植物一樣，含有純天然咖啡因，常用於能量飲品，有提神作用。「Coca-Cola ENERGY」能量飲品亦含有維他命B3及B6，不含牛磺酸成份，可以幫大家補充能量，充滿幹勁地完成工作。
試飲報告
下午5時多，同事P仍然摩打手處理手頭工作，不過精神開始冧檔，睡魔急call。佢一口氣飲咗罐「Coca-Cola ENERGY」，跟住去洗手間洗個面，「成個人即刻醒神！」，提神效力足足有4小時，令佢可以全神做埋其餘工作。至於味道方面，佢形容似某老牌經典能量飲品加可樂。「甜甜哋，易入口。見效快，飲完轉頭就有番精神。」
INFO
www.coca-cola.hk
如有任何旅遊、飲食、購物著數優惠、玩樂、美容或健康等資訊，歡迎大家報料給編輯部小編啊~~
editors@likemagazine.com.hk