海綿寶寶賀20周年 聯乘Snapte推出 T-shirt慶祝 | likemagazine.com.hk
Shopping

海綿寶寶賀20周年 聯乘Snapte推出 T-shirt慶祝

日子真係過得好快啊!連小編其中一個喜歡的character海綿寶寶都20周年!好在,character無論幾多歲大,都係同一個樣,講真,我接受唔到海綿寶寶變「海綿阿伯」囉!言歸正傳,海綿寶寶20歲,當然要賀一賀,今回與個性化T-shirt設計品牌Snaptee合作,推出多款圖案T-shirt,陪粉絲迎接炎炎夏日。T-shirt共有3個系列:「26個英文字母」、「寶麗萊相框」及「文學家」,並有「簡約白」及「型格黑」兩色可供選擇。另外,大家可以在T-shirt增添個人化元素,例如入自己的英文姓名或其他自訂句子,創作獨一無二的T-shirt!講咗咁耐,其實海綿寶寶 x Snaptee系列,點樣至買到呢?Snaptee於全港20個地點設有自助售賣機,包括旺角、尖沙咀、銅鑼灣、九龍塘、觀塘等地鐵沿線地區,大家只要在自助售賣機上完成5個簡單步驟,成功下單後7天內,T-shirt便會經郵遞送到指定地址。T-shirt有男、女及童裝選擇,齊備不同尺碼,顏色可選黑或白,價錢方面,成人每件$380,童裝每件$320,多賣價錢再平啲。買單件另需加420郵費送貨,多買幾件價錢則包郵費。

 

 

26個英文字母」系列

海綿寶寶扭曲身體擺出英文字和數字造型,當中不少是高難度動作,如大字馬或單腳企,樣子趣怪又抵死。

 

 

「寶麗萊相框」系列

海綿寶寶挑戰相框造型,以單眼、伸舌頭等趣怪表情拍照,更「迫爆」整個寶麗萊及四格造型照相框,玩味十足。

 

 

「文學家」系列

海綿寶寶化身文學家代你發言,熱選「Let’s Have Fun」標語,趁著夏日齊齊玩個夠!

 

 

INFO

http://bit.ly/SnapteeKiosk

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
名牌開倉展銷低至2折起 編輯精選8件勁減名牌貨 學生哥暑假食拉有著數 博多拉麵「別天神」兩款招牌麵半價 7-Eleven 1日限定優惠 自家品牌 買2件享7折 精選8款必試輕食 食辣袪濕 一田超市選購亞洲辣滋味 UNIQLO X BT21推出別注Tee系列 親民價粉絲搶買囉! 反斗奇兵 電影尺寸原聲人偶 儲物粉絲要買啊! 灣仔會展睇完show食午市點心放題 34款點心粉麵甜品任食$248 馬莎夏日季尾大減價 平買優質靚款童裝