3大熱爆Party room 文青打球VR玩個夠| likemagazine.com.hk
Special

3大熱爆Party room 文青打球VR玩個夠

放假約友聚會,搵地方一齊玩個夠。隱身在不同工廈商廈裡party room,愈開愈多,而且吸客花招層出不窮,有的裝修玩主題,有的提供新潮智樂玩意,應有盡有。人總是貪新鮮,試過了一間,下次又想有新意。以下呢3party room,你又去過未?會唔會啱你心水,有興趣book場和friend去消閒玩樂一番呢?

 

銅鑼灣樓上文青私竇

講地點,位於銅鑼灣的Blackroom無得輸!人流旺區,交通方便,就在距離港鐵站約1分鐘路程之處,約人聚會,無人夠膽用「唔就腳」來推搪。3間過千呎場地,各有設計主題,但風格都是玩品味,以木材、水泥等為主要裝潢元素,富文藝風,不是一般party room玩童味繽紛,喜歡打卡的,淨係度靚位打卡都玩得開心。場地設落地玻璃窗,日間採光充足,非一般密室party room,給人感覺開揚。玩樂方面,除了例牌公式的電玩、足球機、桌球、乒乓球桌、Board games等,還有一些創意玩樂設施如:投籃機、波波池、放大版經典智樂遊戲層層疊、TwisterKerplunk、吹乒乓機等。

 

INFO

Blackroom

地點:銅鑼灣駱克道 508

收費:星期一至四上午11時至下午6時每人$40,下午6時後每人$50,最低消費10人或以上及3小時或以上。星期五至日及公眾假期及假期前夕,上午11時至下午6時每人$50,下午6時後每人$60,最低消費14人或以上及3小時或以上。

查詢:9179 0667

 

 

 

荔枝角首創室內打冰球

荔枝角區party room林立,間間都有gimmick,出奇制勝。剛於5月開幕的Fun Fun Fun Party Room,不止夠新,仲有完全估唔到的室內冰上曲棍球玩!場地3,500呎,以北歐風格設計,配合高樓底、高度採光環迴落地玻璃窗 、暖色木地板、大梳化與bean bag,一入去已經令人好想hea。場內最矚目玩意,就是全港獨有此全港獨有、仿照專業冰上曲棍球訓練場地,入內玩樂,既可體驗模擬冰上滑行的感覺,又可一嘗曲棍球運動的刺激。你更可與友組隊對陣作賽,場地貼心安排了兩種重量和尺寸的曲棍球裝備供大小朋友使用,令投入度大增!另一個都是全港獨有的玩樂設施就是Nerf Gun 海棉彈槍,只要戴上場地提供的安全裝備、手執Nerf Gun便可立即組隊進入作戰模式,讓party room 化身War Game場!近期熱爆的Beer Pong,呢個場都有,但是枱是圓型的,又一種新玩法!大型波波池,呢個場都有,400呎內藏40,000 個透明波波,一次過可容納50人,仲可以瞓身唱K,大人小朋友都玩得開心。新張優惠 ,星期一至四6pm 前離場,每位$88/4小時 12位起,優惠期至630日。

 

 

INFO

Fun Fun Fun Party Room

地址:荔枝角光昌街3號鴻昌工廠大廈7B (荔枝角站B1出口直行5分鐘)

收費:星期一至四每位 $148/4小時;星期五、六、日及公眾假期每位$188/4小時; 3歲以下小童免費;12歲以下小童半價。

查詢:6441 2443

 

 

 

觀塘明日科幻閃避球

觀塘區是party room另一個戰場,Tomorrowland Galaxy就是近期新開的其中一間。近來party room愈開愈大,呢間面積愈5,500呎,莫講朋友聚會,公司搞gathering都好啱。裝修重本投資近300萬,設計玩未來科幻feel,更特意邀請了負責港產科幻巨作《明日戰記》佈景設計的要員文哥,親自構思場地布置。場地以電影作藍本,由門框、燈效,以至地下圖案都經過精心設計,營造出重金屬基地感,打卡迷又停不到手了!Party room玩樂是重點,呢個場最大賣點是引入首度引入風靡全球的日本《HADOAR 實境閃避球,只需戴上專業設備,配合各種手勢即可使出「氣功波」、「儲氣」及「放盾」等動作,除考驗臨場反應及身手外,也很著重隊友間夾擊、聯防等策略運用,趣味性及刺激度同樣極高。成班friend玩熟咗個遊戲後,更可報名參賽。Tomorrowland Galaxy 的場地經日本官方認可,每周六、日也有比賽,每月冠軍可以直接參加香港8強,最後勝出一隊,Tomorrowland Galaxy 將贊助機票及酒店於11月到東京打世界賽,總獎金更達到300 萬日圓!呢個場另一個新奇刺激玩樂是引入了全球首創的《VR 極翔如翼》,全感官互動虛擬飛行裝置,讓你在室內體驗高空跳傘、滑翔傘的樂趣。另一款《VR 暗黑の翼》 動感站立平台,站上後平台會傾斜、升降,突破屏幕限制,跳進奇幻虛擬世界,包含科幻、驚嚇、恐怖、深海等十多個遊戲主題,大人小朋友同樣可樂在其中。趣味玩樂以外,大人小朋友要放電,《拳擊機》最啱不過,與大隻佬人偶作為對手,重拳出擊,打個痛快,而且勁爆汗。

 

INFO

Tomorrowland Galaxy Partyroom

地址:觀塘偉業街128 號香港企業大廈11 A

收費:星期一至星期五下午2時前:每位 $88 / 4 小時;星期一至星期五下午2時後,星期六、日、公眾假期及前夕:每位 $238 / 4 小時

查詢:6890 4122

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
sky100港人專享優惠 身份證有「8」 買1送1 荷花BB展掃貨黃金機會 編輯推介必買抗菌清潔品 旅遊展東瀛遊報團 冰島芬蘭長線團勁減萬元 迪士尼夏日玩水派對 Pixar好友花車狂噴水 周末親子尋歡樂園:荃灣一站玩樂體驗區 母親節港人專享優惠阿媽車票$20 昂坪纜車夏日優惠 學生半價 官網預購門票享7折 周末親子遊中環大館睇展覽聽故事