酒店歎懷舊鐵板扒餐$200埋單！

購物 2019-05-29

英國新聞集團經濟學人旗下智庫(EIU)最新公布的全球生活成本調查，香港與巴黎、新加坡，並列全球生活費最昂貴的城市。香港地百萬騰貴，當隨便去茶餐廳食個飯都要四、五十元，食餐飯要平又要享受，係咪無可能？其實都唔係嘅，睇你識唔識窿路囉！小編發現灣仔英皇駿景酒店Monkey Café將於6月至8月推出的《那些年 • 經典懷舊餐》幾抵食，3道菜，湯加主菜加餐茶，由$98至$148。話晒係酒店出品，而且酒店餐廳環境裝修好，坐得舒服，招呼服務好，仲要人流一定無茶餐廳咁高，唔會人來人往，呢口價甚至抵過好多位於大型商場內的高級西餐廳。講明懷舊餐，食嘅當然係舊時食到嘅。湯是西餐經典─羅宋湯，想食豪啲，可以優惠價$18升級為酥皮忌廉周打湯脆口的酥皮下是香濃的周打湯，味蕾大滿足。至於主菜，有6款選擇，當中5款是經典鐵板，包括：鐵板美式雜扒 ($118)、鐵板鴛鴦扒 (西冷牛扒拼豬扒) ($128)、鐵板西冷牛扒拼司華力腸 ($128)、鐵板大蝦拼吉列魚柳 ($138)、鐵板肉眼扒 ($148)，另一款人氣經典鮮茄菠蘿焗豬扒飯 ($98)。那些年食西餐，要完美作結，會額外點甜品。酒店都準備了經典甜品─窩夫拼雪糕 ($28) 及香蕉船 ($28)，讓人滿人回味舊日好時光。要歎得刁鑽，不妨另加$38，試試「火焰朱古力布朗尼雪糕」。香濃的朱古力布朗尼上，鋪上雲呢拿雪糕，即席淋上酒精，烘烘火焰，睇得開心。