炎夏日本人氣型格兩用便攜扇送涼風| likemagazine.com.hk
Shopping

炎夏日本人氣型格兩用便攜扇送涼風

手提風扇,可能你已有不止一把,點解要再買?因為樣靚啲囉!夏日炎炎,當手提風扇成為你的日常隨身物,帶出街,當然要襯番一身造型!之前幾年,市場無乜選擇,咁啱天氣熱到爆炸,就話屈就下,拎住把國產薯嘜扇出下涼快涼快。今時今日有得揀,點解仲要因貪一時涼快自毁個人image?要涼又要行出嚟好睇,FRAIS 2WAY HANDY FAN($158)唔止唔失禮,分分鐘令你在人群中眼前一亮。呢款手提扇在日本上架1.5個月,就賣出逾10萬部,日本超人氣,哈日族一定要跟!除咗把扇外觀見得人,仲玩顏色,6色選擇,可配襯你不同造型。5段風量調節,風速最高4.8m/s,風力強勁,夏日吹住透心涼,幫你解暑。充滿電約4小時,最長能持續使用8小時,強風模式則可持續用約2小時。特別一提其安全設計,須按動電源鈕2秒或以上先開啟,放在袋內不怕唔覺意開動,浪費電源。另外,風扇附有底座,返到屋企或office,手提扇變身座枱扇,繼續為你送涼風。品牌同期推出充電式夾風扇($198)及充電式桌面風扇($348),迎合不同需要,但這兩款扇只有3色,同為白、灰、粉紅,選擇雖然不多,但夠basic

 

 

INFO

https://hk.francfranc.net

 

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
壓軸掃貨機會   工展會逆市大激減壓軸掃貨機會 工展會逆市大激減 支持本地「友」手工啤酒  加入地道芫荽味你試過未?| 支持本地「友」手工啤酒 加入地道芫荽味你試過未?| 喝茶同時求籤?!    台灣大熱求籤茶飲店「語巢」喝茶同時求籤?! 台灣大熱求籤茶飲店「語巢」 品嚐英國皇室成員taste             超市英國食品節購物有賞品嚐英國皇室成員taste 超市英國食品節購物有賞 蘋果渣菠蘿葉唔係廢                   變身仿皮革造衫袋飾品蘋果渣菠蘿葉唔係廢 變身仿皮革造衫袋飾品 中環大館酒吧DragonFly  享受秘景打卡Chill住歎中環大館酒吧DragonFly 享受秘景打卡Chill住歎 東京RAPL香港開店  鎮店吉士醬蘋果批必試!東京RAPL香港開店 鎮店吉士醬蘋果批必試! 想食靚黑毛豬火腿?專家教你揀貨 5 個Tips!想食靚黑毛豬火腿?專家教你揀貨 5 個Tips!