香港仔端午龍舟賽30/5免費派發入場券 | likemagazine.com.hk
Focus

香港仔端午龍舟賽30/5免費派發入場券

端午節,按傳統,食粽睇龍舟。講到睇龍舟,好多人其實從來只在電視睇,未試過親身到比賽現場睇。「電視播同現場咪一樣!」比賽係同一個,但係場氣氛熱鬧和緊張好多,睇電視feel唔到囉!去年電影《逆流大叔》大收旺場,大叔的熱血,係咪感動到你呢?今年若果你有興趣深入認識下中國的傳統,想親身到龍舟競渡現場,feel下咩叫熱鬧,感受一下一班大叔、壯男或好動女生的熱血,十分推介你去香港仔。香港仔龍舟賽道已逾百年歷史,今年將進行36場中龍及大龍賽事,由早上830分至下午4時進行,其中最矚目的大木龍舟比賽,是全港規模最大的大龍競技,更是最高水平的龍舟競賽。46位划手坐滿大龍舟,一齊落槳,可以想像場面有震撼!香港仔龍舟賽道貴為香港端午龍舟競渡的重要賽場,每年都吸引好多人在現場觀賽。唔想同人逼,要入場坐定定,全情投入同各隊健兒打氣,香港仔龍舟競渡大賽委員會有得派免費入場券喎!530日早上9時起在南區民政事務處諮詢中心派發,每人限取1張,先到先得。派發門票共100張。

 

 

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
美心x迪士尼公主蛋糕會發光,好夢幻! 2個方法薯條凍咗都變香脆! 海洋公園哈囉喂扮鬼出色有獎金! A-1 Bakery獨角獸新地夢幻滋味 幪面超人X 別天神 食拉麵換獨家精品 明早麥當勞派奶茶 每店1千杯免費凍熱都得 另派$10芝蛋脆雞堡券! Pacific Coffee手機App21/5限定優惠 電子咖啡券買1送1 懷舊必買!日本懷舊昭和設計,迷你USB風扇、電視、唱片機