聖安娜阿華田蛋糕甜品經典回歸| likemagazine.com.hk
Focus

聖安娜阿華田蛋糕甜品經典回歸

人大了特別喜歡懷舊,除咗聽舊歌、重睇經典電影、買復刻版玩具外,飲食都要追求兒時味道。好多人小時候的回憶裡,總有阿華田。多數是當年年紀少,跟父母外出食飯,唔准飲咖啡奶茶,於是父母會叫杯阿華田畀你。阿華田的味道,是好多人童年回憶重要的一塊,每次見到加入阿華田的美食,都自然勾起食慾,即使未必是鍾意食,但都想一試。例如聖安娜餅屋近期推出咗阿華田蛋糕及甜品系列,用上阿華田的兩款經典麥芽沖劑飲品:阿華田營養麥芽飲品()及阿華田牛奶麥精飲品(),未試入口,已經令人幻想到嗰種甜。係咪好味,真係見人見智,尤其香港人食甜品,追求唔甜!!不過阿華田獨有的香,足夠令你就算甜都要試,係咪?

 

黑白阿華田脆脆蛋糕的蛋糕面以3塊阿華田餅乾、麥穗形朱古力、朱古力唧花及阿華田慕絲作裝飾,蛋糕由阿華田慕絲、阿華田軟心、朱古力脆脆、阿華田脆酷力抹醬及朱古力蛋糕層層相間,一睇就知味道有幾豐富,會令人有幸福滿足感。每個$138

 

黑白阿華田珍寶卷,講白啲即係阿華田味瑞士卷。朱古力和阿華田配搭,可以預計味道是香甜軟滑,內餡加入朱古力脆珠,增加食味層次。每條$65

 

一個蛋糕或一條珍寶卷,一個人想食但又食唔晒,所以黑白阿華田切餅啱晒,一件份量剛好。每件$24

 

黑白阿華田三文治賣相小巧可愛,朱古力酥底,配上微甜的紅寶石朱古力、黑白阿華田慕絲、阿華田軟心及香濃朱古力蛋糕,愛阿華田的要試啊!每件$24

 

 

 

INFO

www.sthonore.com

 

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
屈臣氏4折換購 姆明X BRUNO萌爆精品 B.Duck玩轉玩具節 約定粉絲會展見面 WeChat Pay優惠 麥記消費儲印花換$10電子現金券 BombShell食得又玩得引爆甜蜜驚喜 沐白小農尖咀開第3分店 限量優惠$3歎招牌飲 限售333杯! 香港仔端午龍舟賽30/5免費派發入場券 KFC推電競桶套餐送型爆上校限量購物袋 支持環保!捐舊床品獲贈9折優惠券