發現奶白魚腥臭味分泌物 小心患上陰道炎| likemagazine.com.hk
Blog

發現奶白魚腥臭味分泌物 小心患上陰道炎

最近我和在化驗室工作的Lily行街時見到有人推銷電解水機。

Cara 你係醫生,部機將水分解為酸性和鹼性。我哋飲咗鹼性水,係唔係對身體好啲?

「鹼性水對於改善身體體質,暫時末有科學證據支持,不過我覺得最緊要係飲煲滾過嘅水!Lily,咁你知唔知身體唔同地方會有唔同pH?陰道都會因應pH值影響而有唔同炎症?」

「咁係唔係用張中學時驗pH値嘅試紙驗下?網上有人話,根據唔同情況用白醋或梳打粉可以醫好陰道炎?」

「吓!真係畀你嚇到個心離一離!認真,咪亂聽網上的傳言。」

 

其實女人陰道的酸鹼度通常是44.5 而最常見的陰道炎是念珠菌陰道炎(Candida)和細菌性增生陰道炎(Bacterial Vaginosis)。當陰道的酸鹼度比正常高pH>4.5, 就容易有細菌性増生陰道炎,有一半的陰道炎都是由它而起,有病癥的女士會發現自己有好多奶白色魚腥臭味的陰道泌物,特別係性交後或行經期間増加。這種陰道炎並不是由單一細菌引致;而是由多種細菌例如加德納菌(Gardnerella) 、類桿菌(Bacteroides)、人類黴漿菌(Mycoplasma hominis)等組成,這些細菌群取代正常的陰道乳酸菌(Lactobacillus),細菌群會製造胺(amine 型成魚腥味。

如果孕婦有細菌性増生陰道炎情況會增加早產風險,而產後會引起子宮內膜炎,產後發燒等情況。而婦女感染細菌性増生陰道炎後,如果她的性伴侶染有性接觸傳染病例如淋病、依原體、滴蟲、泡疹二型或愛滋病病毒等,而他們在性交期間沒有使用安全套,這女士被傳染到以上性病的機會會更高!所以有異常陰道分泌物應及時看醫生。

大部分病人用特定的口服抗生素都能治癒,而浸用梳打粉或白醋是沒有科學根據證明可以處理和預防陰道炎。近年坊間很流行食或陰道塞益生菌,根據一些小型硏究是發現可以醫治和預防細菌性増生陰道炎,不過在還未有系統性的研究支持或反對使用益生菌,所以使用前最好諮詢醫生,謹慎選擇!

 

 

撰文

「妙筆卡華」姚嘉樺醫生(Dr. Cara),婦產科專科醫生,願望是各位女士每月「好朋友」正常探訪,各位孕媽媽出入産房,母嬰平安!

 

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
女生要身形靚又唔會腰痛 做啱呢個動作就可以 只要做1個動作 肚腩速消失 牛奶浴羶味濃又浪費 山羊奶產品滑肌不致敏 肥減失敗因做錯1件事 「圓肩」引致肩頸痛 每日5分鐘紓緩痛症 漱口都要靚 夢幻星空漱口水 童年回憶牧場物語!手遊版及多啦A夢版登場 20至30歲頭卵巢儲備降低 卵巢初老可考慮雪卵作未來生育