觀塘新開張Party room 5百呎雲海波波池唱K| likemagazine.com.hk
Special

觀塘新開張Party room 5百呎雲海波波池唱K

放假囉,想約班friend一齊玩?又有新party room畀大家選擇。呢間位於觀塘、全新開業的BKW partyroom,面積逾4千呎,唔止地方夠大夠闊落,一入到去搶fo位係有一個男女見到心心眼,好想即時跳入去玩餐飽的「雲海波波池卡拉OK」!波波池面積逾5百呎,池內有6萬多個白色膠波波,天花頂吊懸多盞白雲柔光燈,置身波波海內,感覺超夢幻,而且童真返晒嚟!除咗可與友人分隊來一場波波攻防戰外,瞓身在雲海內唱K,爽又歎!另外,電玩是party room不可或缺的設備, SWITCHPS4以外,呢間party room引入首度到港的《激騎飛龍VR》,遊戲設有種不同場景及玩法,由雪地滑行、衝山路軌到天空翱翔,玩法多變新鮮刺激。成長回憶裡,扭扭樂和層層疊是大家都玩過的智樂遊戲,呢度有放大版畀你和friend互相挑戰,鬥智鬥力,看誰能夠成為最後勝利者!近年租用party room的人雖然以後生仔為多,但媽媽都是潛力玩家。不少媽媽group喜歡在假日相約聚會,各自帶同BB和小朋友出席。呢間party room特設育嬰室,提供私密又潔淨的空間給媽媽幫B換片餵奶,房內備有充氣BB墊、濕紙巾、舒適座椅,貼心照顧媽媽所需。此外,場內設有兒童煮飯天地,同行小朋友都有自己的玩樂空間,媽媽不用煩如何安頓小朋友,可以好好享受聚會時光。

 

 

BKW partyroom面積逾4千呎,適合大夥人開Party聚會之用。

全場最搶眼是逾5百呎的波波池,天花更布置了白雲形狀柔光燈,加上燈光的配合,好有氣氛!

一跳進波波池,童年回憶返晒嚟,齊來一場波波大戰!

瞓身波波池唱K,特別有feel

波波池邊有厚護墊保護,媽媽可安心讓小朋友在內玩樂。

場主特別購入洗波機,吸走池內波波逐一清潔;清空波波池後,池底都會徹底清潔,確保衞生。

引入首度到港的《激騎飛龍VR》,機座搖擺幅度大,營造極速飛上天及向下俯衝時的離心力。機前設有大型風扇,加上強勁音效,把虛擬實境遊戲提升至更實感層次。

扭扭樂是考驗智力、身體柔軟度及耐力的智樂遊戲,落場玩的開心,旁觀的人都一樣睇得過癮。

放大版的層層疊,雖然「積木」換上長紙盒,但疊起來高過人頭,玩起來更刺激。

電玩區有PS4SWITCH,總有捧場客!

專為小朋友而設的兒童煮飯仔天地,小朋友都有屬於自己玩樂專區。

Party room窩心設有育嬰室,媽媽可在內幫B換尿餵奶。

一班人有動有靜,不喜歡大動作玩樂,場內也有各式board games,讓你玩個痛快。

 

INFO

BKW partyroom

地址:觀塘開源道54號豐利中心213

查詢:6300 5600

收費:包場制。星期一至星期四下午3時前,每位$98(4小時),最低消費$1,000;星期一至星期四下午3時後,每位$168(4小時),最低消費$2,000;星期五至日及公眾假期及前夕,每位$218(4小時),最低消費$3,5003歲以下免費,12歲以下半價。每人包無酒精飲品1包,轉任飲每位加$2020位以上享95折優惠,30位以上可獲9折優惠。

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
迪士尼蟻俠黃蜂女登場 坐車射擊保護神盾科技館 局內竟遇見宣萱?! 海邊狗狗相睇覓真愛 與狗同行check合拍度 復活節黃金海岸親子尋蛋 贏取酒店海景房住宿 18/3預售價惠! 四季酒店限時烘焙店 大派龍景軒招牌叉燒菠蘿包 港九快閃免費派燕麥奶 持優惠券7仔買奶$5盒 明天地點預告:鰂魚涌 銅鑼灣利園雞蛋仔節 聽住歌歎奇味雞蛋仔 特色藝術裝置打卡 父親節尚廚自助餐 網上預訂成人低至$270 Trip.com 聯乘Häagen-Dazs $22單球雪糕優惠