銅鑼灣新派素食自助餐午市只$78| likemagazine.com.hk
Shopping

銅鑼灣新派素食自助餐午市只$78

素食自肋餐近來很火熱,新店一間接一間開業。今次介紹呢間位於銅鑼灣,旺區交通方便,唔似其他為減成本隱身工廈或偏門地區,想試想幫襯要搵日先得。其次,價錢超吸引,午餐任食75分鐘,星期一至五只要$78(未連加一)!所以餐廳甫開業便成為同區上班族開餐熱點,午市時段勁爆場。若果係區外人又想試,其實唔使午市同人逼,下午茶任食90分鐘仲抵,星期一至五只係$68(未連加一);晚市任食90分鐘,平日價$168(未連加一)。呢間餐廳主打無宗教素食,中日西式東南亞美食、冷盤熱盤、鹹甜美點都有,逾60款,選擇算多。菜名牌有顏色標貼提示,素食是否含有蔥蒜、蛋或奶,迎合不同素食者的需要。至於食物質素,由於廚師團隊中有人曾在寶蓮寺任職,也有專業壽司師傅,所以無論食味和賣相都令人滿意。尤其素食壽司,造型幾可亂真,對食肉獸來說,精緻賣相提升食慾,增加對素食的接受程度。

 

素一Veggie One位於新開商廈的地庫,由於價錢實惠,甫開張便成為區內上班族的開餐熱點。

餐廳裝修走清新風,環境寬敞舒適,打破舊有素菜館給人的老土形象。

餐廳主打無宗教素食,素食種類多元化。

素食Pizza不時熱辣辣出爐。後方是蔥油餅。

素沙嗲串燒,美味可口。

到了日式素食區,琳琅滿目,造型賣相極似真壽司。

素壽司由富有經驗的壽司師傅製作,以蒟蒻造成魚肉狀,配合不同的蔬菜水果等食材製成。

素壽司款式多,而且太精美了,令人食指大動。還有素漢堡,食味賣相都要讚!

紫薯泥,顏色非常搶眼,味道也不錯,嗜甜者必食。

很花工夫的反沙荔芋,這裡都有供應。

素食薑醋蛋,補身之選。

廚師團隊幾有心思,在烤炸食品區,例牌的腐皮卷外,還有烤菠蘿、餃子、荳蓉糯米糍、炸茶樹菇等,喜歡日食的,還有多款蔬菜天婦羅,食物款式富新意。

飲食界潮興鹹蛋黃金沙,呢個金沙四季豆很惹味,素食唔一定淡而無味。

傳統熱盤素食,總有捧場客。

每日有數款湯品供應,這天是(左起)粟米海底椰及胡椒鹹菜涼瓜。

飲品除大路的豆漿外,還有特飲。這天的款式是(左起)紅菜頭檸檬和竹蔗茅根。

菜名牌有顏色標示,是否含有蔥蒜、蛋或奶。

生果、沙律都有供應。

逢星期一至五惠顧晚市自助餐,可獲贈撕素雞(左上)、冰鎮咕嚕肉(左下)或是日燉湯(隨機1)。逢星期六、日惠顧晚市自助餐,可獲贈原隻素鮑魚1隻。

 

 

INFO

素一Veggie One

地址:銅鑼灣謝斐道535Tower 535地庫B04

電話:2328 2102

 

 

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
銅鑼灣新開KFC概念店 新出雞美食套餐開心share 沙田新城市廣場感謝祭 APPLE Watch+ AirPods 福盒價$499 銅鑼灣創意市集 買禮物給爸爸 炎夏日本人氣型格兩用便攜扇送涼風 UNIQLO星戰Tee日本潮人操刀設計 一文睇3大餅店父親節蛋糕款 九龍灣大快活電競 電競迷不離座手機叫飯專人送餐 香港終於有驚安殿堂 24小時平掃日貨