母親節預約大廚上門私家煮| likemagazine.com.hk
Special

母親節預約大廚上門私家煮

來到5月,又要著手準備點同阿媽慶祝母親節。例牌菜,call齊人食餐飯。一街餐廳,乜菜都有,求期交差的話,隨手搵一間訂枱,done。若果想在孝心以外加點驚喜和貼心,不妨考慮一下今年唔出街食,改為在家開飯,放心,唔係叫你入廚,而係請個廚師上門,為一家人炮製一餐私房菜,自己就可以繞埋雙手等食(奸笑!)。如果你buy呢個母親節顯孝心idea,實會追問:邊度搵個廚師呢?舖線到呢度,就係想介紹你認識一個網上平台「MobiChef」,可以預約大廚上門煮。現時平台上共有47位廚師登記,各有專長菜系如:日菜、西菜、fusion菜、意大利菜、中菜等。你可以參考廚師個人簡介、菜單、價格、可訂日子、食家評價等資訊,揀啱心水先預約。價格是按位收費,每位由數百至過千都有,包材料、包煮,免加一,仲會將用過嘅廚具清理好先走。預約後網上付款,廚師會於24 小時內確認訂單,到時可以同廚師溝通一下,確保呢餐慶祝飯的細節安排。呢項服務就好似將私房菜搬到自己屋企一樣,唔使走出街,成家人安坐家中就有得食,而且重點係唔使同人逼,又唔使去餐廳等位,完全私人享受!

 

 

 

本地西菜廚師Angelo Cheung擁有超過20年在五星級酒店和多間高級餐廳的工作經驗,廣泛接觸意、法、德、俄等不同歐洲菜系。

 

 

 

日本菜廚師 Angus Law 精通高級的京料理、割烹料理、傳統和菓子、珍味酒肴料理。

 

 

來自泰北的女廚Hazel Wilaiwan,致力為食家帶來最正宗的泰國美食。

 

 

入廚及品酒經驗已有9年的廚師Louis Chan ,著重葡萄酒與食材之間的相互配合,能為客人設計專屬晚餐菜式,帶來不一樣的味覺享受。

 

 

 

 

 

 

 

INFO

mobichef.com

 

 

 

TEXTHoran CAAM

如有任何旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
迪士尼夏日玩水派對 Pixar好友花車狂噴水 sky100港人專享優惠 身份證有「8」 買1送1 澳門推出特別版高罐 可口可樂展限定自製selfie可樂! ITE 2019旅遊展 一站攞料兼優惠價報名! 海洋公園海賊王夏水戰 入場打卡兼搶買主題精品 荷花BB展掃貨黃金機會 編輯推介必買抗菌清潔品 觀塘新開張Party room 5百呎雲海波波池唱K 母親節8句給媽媽的窩心話