美心 x Hello Kitty打卡先吃 | likemagazine.com.hk
Shopping

美心 x Hello Kitty打卡先吃

點解又係Hello Kitty?無計,人紅......唔好意思,應該係貓紅,咩都要搵佢撐場爭人氣。剛好Hello Kitty踏入45周年,美心麵包就同Sanrio聯乘,由即日起至731日期間,推出一系列「相機先吃」麵包甜品,擺明車馬要你打卡狂影。加上Hello Kitty 頭像的秘製漢堡、甜心漢堡、脆糖肉桂多士、綠茶紅豆麵包,以及蘋果軟芝士撻,趣致指數爆燈,就算唔係忠實粉絲,都應該會失手,中伏打卡囉!至於食味,美心出品,大路水準,起碼唔使某啲聯乘,睇得唔食得。較有驚喜是蘋果軟芝士撻,店方宣傳話呢個係Hello Kitty最愛。食落唔膩,撻面的蘋果粒記一功。要留意,部分款式麵包甜品只限在美心現場烘焙店,想試要睇真去邊度買。

 

Hello Kitty秘製漢堡 $19 /

漢堡夾有漢堡肉、芝士、番茄及生菜,並加入蘋果醬,口感清新。只限美心現場烘焙店有售。

 

Hello Kitty甜心漢堡 $19 /

鬆軟麵包內有士多啤梨搭配士多啤梨芝士忌廉,想吃一點甜又多個選擇!只限美心現場烘焙店有售。

 

Hello Kitty綠茶紅豆麵包磚 $16 /

日系麵包代表作,綠茶麵包散發淡淡茶香,配上紅豆及軟滑芝士忌廉,口感層次豐富。只限美心現場烘焙店有售。

 

Hello Kitty脆糖肉桂多士 $10 /

見到Hello Kitty 形狀,粉絲即時心心眼。多士很脆口,肉桂糖和牛油的甜香,一口咬下令人有幸福感。只限美心現場烘焙店有售。

 

Hello Kitty蘋果軟芝士撻 $20 /

用上Hello Kitty最愛的蘋果配搭香濃的芝士,帶酸甜的蘋果肉平衡了芝士的濃厚味道,清爽「芝」味。美心西餅分店及美心現場烘焙店有售。

 

Hello Kitty綠茶紅豆包 $10 /

簡單不花巧,紅豆蓉幼滑,配上綠茶味的鬆軟麵包,還有Hello Kitty圖案,粉絲點可以抗拒?只限美心西餅分店有售。

 

 

買包換購Hello Kitty禮品回家

Hello Kitty出動,點只讓你食落肚咁簡單,今回都有精美禮品,要你拎埋返屋企擺,日對夜對。美心西餅將分階段推出精美獨家限定Hello Kitty環保購物袋及Hello Kitty可愛陶瓷碟,買任何Hello Kitty系列產品即可換購。

 

 

Hello Kitty環保購物袋

換購價:$58

推廣期:2019425日至731

換購點:美心西餅分店及美心現場烘焙店(數量有限,換完即止)

 

Hello Kitty可愛陶瓷碟

換購價:$68

推廣期:201953日至731

換購點:只限美心現場烘焙店(數量有限,換完即止)

 

 

幸會Hello Kitty

Hello Kitty 45周年,特別現身同粉絲見見面。佢將會於2019419日(星期五)在天水圍T-Town (頌富廣場)美心現場烘焙店同大家來個互動。凡於當日下午1時至3時於T-Town (頌富廣場)美心現場烘焙店購買任何「美心西餅 x Hello Kitty麵包系列」的麵包甜點,即可獲得Hello Kitty合照證1張(名額有限,先到先得)。另外,在見面會期間亦會派發「美心西餅 x Hello Kitty麵包系列」88折優惠券及於當日率先公開換購Hello Kitty環保購物袋。粉絲要把握機會啊!

 

 

INFO

查詢熱線:2101 1300

 

TEXTJosi Yan

如有任何旅遊、飲食、購物著數優惠、玩樂、美容或健康等資訊,歡迎大家報料給編輯部小編啊~~

editors@likemagazine.com.hk

相關文章
端午粽傳統創意有營 送禮買邊款好? Snaptee買T-shirt兼為喜愛Sanrio人物投票 炎夏日本人氣型格兩用便攜扇送涼風 H&M X POKÉMON 時尚街頭精靈訓練員 銅鑼灣自助天然素食午市早鳥任食$72 約齊全家食飯慶父親節 3間精選餐廳表心意 酒店歎懷舊鐵板扒餐$200埋單! 本土味行李箱玩經典 帶著香港情懷出遊