深圳名創又有驚喜 11件聯乘Kakao Friends筍貨 部分款已賣清! | likemagazine.com.hk
Shopping

深圳名創又有驚喜 11件聯乘Kakao Friends筍貨 部分款已賣清!

每次返內地遊,總要抽空到名創優品Miniso逛一逛,因為每次都有驚喜啊!近來Miniso與多個品牌合作,推出一系列正版產品,例如上星期最新開售的Miniso x Kakao Friends限定系列,由居家用品至旅行品、化妝品樣樣有,款式仲要勁多勁靚同實用,而且價錢絕對會令人失心瘋,會令人不經不覺變成購物狂!小喵一直心思思想買,不過早前北上準備掃貨,發現大部分Ryan產品已賣清光,想要儲齊全系列的話,要有心理準備多行幾間分店碰碰運氣。

 

 

Kakao Friends 地氈 ¥25

灰色MUZI地氈軟綿綿超軟熟,底部加了防滑墊,我家貓主子毫不客氣已經搶先霸佔。

 

 

 Kakao Friends 特別版餐具 ¥15

見到不鏽鋼餐具不能忍手,用上430食用級不鏽鋼,連埋鐵盒用來返工帶飯好方便,仲有兒童版的膠餐具呢。

 

Kakao Friends 睫毛夾 / 氣墊粉樸 (¥ 15 / ¥10)

Muji同款的便攜式睫毛夾,不過就要夾34次才能夾出彎曲的睫毛,相反Muji 款的一夾便是太陽花的效果,個人覺得除非是 Kakao 粉,否則我會覺得Muji比較實用,當然都係個句一分錢一分貨啦。水滴型的氣墊粉樸10人民幣就有2個,加上Apeach桃子造型實在太爆笑了,好難忍手唔買!對日日用氣墊粉餅的朋友來說,氣墊粉樸消耗特別快,買定2個看門口無壞,不過用上手覺得有點啜面及難推。

 

Kakao Friends 蒸氣眼罩 ¥15

名創優品出品的眼罩我極度推薦,個人的回購率極高。呢款有薰衣草和無味,眼罩可釋出42°C溫度,對部分人來說或者太熱,但對我來說啱啱好。加上可以keep到半小時,臨瞓前用,舒服到可以即時入夢,比起花王真係堅抵用。眼罩除發熱外,同樣有內涵,就在Ryan 的眼,棉質質感,敷起來會感到有少少濕度,不會令眼部皮膚太乾,仲有少少保濕的作用。

 

 

Kakao Friends 化妝包 ¥19.9

化妝包屋企真係有好多,但見到咁可愛的MUZI,又會乖乖去畀錢買回家。化妝包都幾輕身,放下唇膏、Cushion出街補補妝,整整齊齊夠企理。

 

Kakao Friends 人字拖鞋¥25

屋企有貓主子的關係,拖鞋總會不時失蹤,所以經常要買12對後備拖鞋看門口。女裝人字拖勁得意,除了鞋面上印有Kakao Friends公仔頭圖案,人字拖上仲有膠公仔樣。缺點係膠味強烈,希望主子今次高抬貓爪,唔好玩唔見我對靚拖鞋。

 

Kakao Friends 眼罩 ¥15

唔好意思又係眼罩,不過呢個眼罩可以熱敷和冷敷,仲可以當作退熱貼,夏天雪凍後敷都幾舒服,而且可以調較頭圍的大小,男女小朋友都啱用。

 

Kakao Friends 冰墊¥19.9

又係一返家即畀貓主子成功打劫,冰墊不用雪凍都涼浸浸,夏天貓主子不用瞓上雲石枱阻住我做嘢喇!

 

Kakao Friends 洗衫桶 ¥19.9

無可否認我都係一名典型香港女生,間唔中會放到成張櫈都係衫褲,陋習已經成日比牛叔叔投訴。一直想搵個洗衫桶,但就睇唔啱,結果Miniso x Kakao Friends成功令我買下我人生第一個洗衫桶,洗衫桶可以摺疊收藏,好慳位,而且質料幾堅挺耐用,以後衫褲會乖乖走入去。

 

 

 

今回到名創「巡視業務」,共買了11件產品,價錢加埋只係¥204.7,若果在韓國買2件都唔止呢個價,重點係貓主子用得舒服和滿意,所以真係好抵呀!

 

 

 

 

本文獲facebook專頁「Kitlindacat」授權轉載及潤飾。

 

 

 

 

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
GU驚喜限定優惠 人氣單品超抵價$60 每位$199任點任食Häagen-Dazs雪糕 8月30日前逢星期五優惠 香港終於有驚安殿堂 24小時平掃日貨 反斗奇兵 電影尺寸原聲人偶 儲物粉絲要買啊! 學生哥暑假食拉有著數 博多拉麵「別天神」兩款招牌麵半價 素雞肉勁似真雞肉 味蕾大挑戰 KÄRCHER九龍灣期間限定店 購買清潔設備享驚喜優惠 上機前最後補給!MUJI to GO 10件隨行好物