Hit Pan用清見底 精華妝品潔面樣樣有 你用過呢幾款未?| likemagazine.com.hk
Beauty & Health

Hit Pan用清見底 精華妝品潔面樣樣有 你用過呢幾款未?

護膚品能夠用到Hit Pan 見底真係好有成功感事關有些護膚品用了頭幾轉已經覺得唔啱自己,已經要轉手送人能夠留下來繼續用的真係寥寥可數。以下幾款用到清護膚品和化妝品,有好亦有唔好,畀大家一個參考。

 

 

1.  Mistine 魅力四射全效眼線筆 $38

泰國第一美妝品牌Mistine的眼線筆好抵用,$38就有一支,用足大半年,顏色除了夠濃夠黑外,筆尖亦十分幼細,能夠畫出超幼細線條,而且極速快乾,而小喵雙眼是內雙兼油眼,用後整日都不會暈開,用過一次就唔再轉用其他牌子,成為忠粉,下次去泰國會再入貨。

回購度︰5/5

 

 

2. D-UP 雙眼皮膠貼 (粉紅盒)

D-UP 雙眼皮膠貼係小喵不斷不斷不斷用清兼回購,已用咗好多年,一貼一撕就可以即時為眼皮定形,加上支撐力強勁,很容易將內雙眼皮變成雙眼皮,眼皮整天都唔會掉下來,而且舒適度高,貼上如無物,加上近年推出的粉紅盒,是專為敏感眼皮而設,容易卸妝,用後不會起油脂粒及敏感。

回購度︰4.5/5

 

 

3. LUNA 升級版高水份精華粉底霜 SPF 35 #21 $278

呢隻粉底霜有「爆水神器」之稱,膏狀質感很透薄很好推,能夠即時與肌膚混為一體,有一種韓妝的水潤光澤感,不過遮瑕力唔太強,暗瘡印及黑眼圈遮不到,我反而喜歡將LUNA 作為Base,再撲上Armani / Tom Ford 的粉底,令妝效更為完美。

回購度︰3/5

 

 

 

4. Caudalie 葡萄蔓極緻完美精華液 $510/30ml

精華液最令我驚喜的地方是出門旅行都唔驚會被晒到出斑。話說上年去緬甸的時候,太陽超猛烈,完美精華液再加埋防曬就可以雙層保護肌膚,加上有橄欖鯊烯,用後挺保濕,能夠為肌膚抗氧化及提亮膚色。回港後我冇出過半點色斑,而且膚色亦顯得均勻,好驚喜。

回購度︰4/5

 

 

5. Caudalie 極緻完美透白精華露 $260/150ml

呢支精華露真正用家唔係我,而是我家的牛叔叔。先講佢係濕疹肌,所用的產品成分唔可以有半點刺激成分,否則成塊面會即時變得超紅及痕癢。呢支精華露質感不黏稠,十分清爽,有助濕疹皮膚抹去面上的死皮,及令肌膚回復光澤感,最重要係能夠為肌膚打好保濕底,令後繼的護膚品持久度更長效,價錢比起其他牌子的「神仙水」更係好抵用。

回購度︰4.5/5

 

 

6. Sensatia 無皂潔面液 $168/220ml

Sensatia是峇里的天然護膚品牌,我很喜歡品牌理念,支持當地漁民的生活。呢支無皂潔面液超級溫和,帶有清幽的依蘭依蘭、薰衣草及佛有柑味道,單是氣味已經令人感到舒服。雖然無皂配方,但用後肌膚感到乾淨,而且不會帶走面上的油脂,不會令肌膚感到乾繃,水感十足,十分舒適,連乾性肌膚都啱用。

回購度︰4/5

 

 

7. Shiseido免疫力再生精華 $860/50ml

小喵用清咗好多瓶再生精華,特別面上長痘痘又有傷口時,用上再生精華能加快肌膚復原的速度,及減少留有疤痕,最明顯用後肌膚會感到潤滑飽滿。精華主要是為肌膚防禦,特別是近年大家最為關注的環境侵害,能夠為肌膚形成一度隱形的屏障,減低對肌膚的刺激及提早衰老,大大增加肌膚的免疫力。

回購度︰4/5

 

 

 

8. 菊正宗化妝水 (粉紅色)

除咗平及抵用外,我實在搵唔到其他形容詞。$49就有500ml化妝水,去邊度搵呢?化妝水以菊正宗純米吟釀酒製成,畢竟是釀清酒出來的副產品,所以會帶有一點清酒香味,不過就沒有酒精的刺激感。小喵的肌膚是乾性,所以選擇粉紅色的滋潤型。說實話,用後肌膚感到水潤,但用晒一整瓶,暫未睇到毛孔有收細的功效,睇嚟小喵要勤力啲濕敷先得。但用來作2次清潔,能夠軟化角質,將死皮抹走,感覺頗不錯。

回購度︰4/5

 

 

 

 

 

本文獲facebook專頁「Kitlindacat授權轉載及潤飾。

 

 

 

 

 

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

 

editors@likemagazine.com.hk

 

 

 

相關文章
去濕去水腫減肥必飲|黑豆牛蒡茶 運動後肌膚變乾出粒粒? 5個運動護膚tips 台食譜作家教自製滴雞精 電鍋搞掂原味無油健康 女人補身恩物! 雨水多提防蚊患 有效止痕使乜買膏! 一個檸檬拯救變黃指甲 每日10分鐘睡前瑜伽|即時去水腫改善失眠 天熱出汗用呢款面紙印油汗不掉妝 迎夏全方位瘦身4大妙法