那些年常吃的中式餅食 仲記得叫咩名?咩味道? 懷舊小食再回味!| likemagazine.com.hk
Shopping

那些年常吃的中式餅食 仲記得叫咩名?咩味道? 懷舊小食再回味!

飲食潮流變變變,很多小時候吃過的美食都消失了。好似兒時常吃的雞仔餅、椰堆、迷你光酥餅,係咪好耐無食過?係咪好想再食呀?回味的機會來了!奇華最近推出一系列中式懷舊小食,幫大家重溫童年美好歲月回憶,尋找兒時味道。

 

純粹懷舊,未必人人受,好多人鍾意話:「都唔係以前嗰個味道!」所以,奇華今次推的懷舊小食唔止懷舊,更加入創新,材料配方改良講究一啲,更幫小食改個靚名,將大家的懷舊體驗升le

 

 

南乳小鳳餅($24/6件;$52/12件;迷你版$23/150g)

即係大眾口中的「雞仔餅」,呢個餅原來係廣東4大名餅之一,以前餅店中秋造月餅,剩下餡料,為不浪費,於是加入豬肉及香料,製成味道鹹香可口的餅食,因餅形似雞仔,故坊間多叫作「雞仔餅」。奇華將傳統做法改良,變成新產品「南乳小鳳餅」。另外,迎合現今飲食潮流,推出加入XO醬的「XO醬鳳餅」($26/ 150g$58/320g),咬一口後,微甜的麥芽糖香齒間四溢,之後慢慢滲出陣陣XO醬的微辣香味,又是另一番味道。

 

 

龍吐珠($18)

新名令人摸不著頭腦,望真小食個樣……啊,原來係迷你光酥餅!光酥餅是很多小時候家貧的人的「窮遊」良伴,吃幾口,喝幾啖水,即時飽滯。奇華的改良版,以蛋白加煉奶、麵粉和糖製成,取名「龍吐珠」,食起來多了兩分矜貴。

 

椰山粒($18)

又是一款平凡不過的小食。兒童記憶得一個「甜」字,就係一堆椰絲,但入口脆脆的,小朋友至愛。奇華版本叫「椰山粒」,椰子味更濃,甜而不膩,新的比舊的更勝一籌。

 

INFO

查詢:2785 6066

 

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
Like小編試味報告│3大人氣台灣即食麻辣火鍋Like小編試味報告│3大人氣台灣即食麻辣火鍋 「Made in Hong Kong」香港製造本土風味零食&生活用品精選!在家也能輕鬆網購直送到家「Made in Hong Kong」香港製造本土風味零食&生活用品精選!在家也能輕鬆網購直送到家 D2 Place寵物友善設施│帶寵物行商場悠閒shoppingD2 Place寵物友善設施│帶寵物行商場悠閒shopping 足不出門也能為你的毛孩輕鬆購物! 本地優質寵物用品+鮮食網店推介足不出門也能為你的毛孩輕鬆購物! 本地優質寵物用品+鮮食網店推介 家中毛孩Super Food  - 小球藻!日本及美國熱買中,增強主子免疫力!家中毛孩Super Food - 小球藻!日本及美國熱買中,增強主子免疫力! 時尚環保連結起來│可持續循環再造衣飾時尚環保連結起來│可持續循環再造衣飾 小編試食台灣熱銷明星拌麵│燒椒麵麻辣鹹香食得過癮小編試食台灣熱銷明星拌麵│燒椒麵麻辣鹹香食得過癮 台灣網民洗版推介肉鬆餅│肉鬆多得像快炸開餅皮台灣網民洗版推介肉鬆餅│肉鬆多得像快炸開餅皮