迪士尼蟻俠黃蜂女登場 坐車射擊保護神盾科技館 局內竟遇見宣萱?!| likemagazine.com.hk
Special

迪士尼蟻俠黃蜂女登場 坐車射擊保護神盾科技館 局內竟遇見宣萱?!

今個星期日(331),蟻俠和黃蜂女現身香港迪士尼樂園,激戰對抗邪惡勢力Arnim Zola及其機械蟲軍團!「蟻俠與黃蜂女:擊戰特攻!」是香港迪士尼第二個Marvel主題遊樂設施,亦係全球獨有,故事背景設定在香港,加添本港Marvel迷的投入感。呢個全新的遊樂設施,其實與早前開設的「鐵甲奇俠飛行之旅」有關連。話說當鐵甲奇俠在史達大樓奮戰Hydra機械人的同時,召集蟻俠和黃蜂女前來捍衛「神盾局科技館」,透過鑽進機械蟲,從內至外發動攻擊,保護儲存著高度機密資料的數據核心。

 

「蟻俠與黃蜂女:擊戰特攻!」全球獨有,「蟻俠」Paul Rudd、電影導演Peyton Reed、Marvel Studios及華特迪士尼等團隊要員、港府官員齊出席揭幕禮。

 

「蟻俠」Paul Rudd真人現身迪士尼,仲話自己能夠成為遊樂設施的一部分,是夢想成真。

 

大家入到「神盾局科技館」,其實做啲乜呢?原來大家將化身蟻俠和黃蜂女的「救兵」,加入攻擊行動,為正義而戰。講番人話,即係大家會坐車,入場玩射擊遊戲。走進「神盾局科技館」大堂,首先經過保安區,桌後的3個大電視實時顯示監控片段。驚喜位是宣萱化身神盾科技館的總工程師林樂詩(Leslie Lam),加添親切感。另外留意枱面,竟然有個蛋撻,更添香港元素!排隊期間,大家可以參觀保安裝備庫。

 

登上「突擊」戰車,故事安排大家前往數據核心和蟻俠與黃蜂女會合,並用上特別設計的「電磁脈衝槍」對付機械蟲。內裡的布景造得好精美逼真,大家射槍對付機械蟲時,別忘了睇真一下!

 

 

遊戲玩法簡單講句就係拎支槍向著標靶射射射,射中靶就有分,車上有顯示板顯示你得到的分數,同之前「 巴斯光年星際歷險 」玩法差不多,不過布景設計唔同咗。小編覺得支射槍一樣咁難射,射多幾下手都軟,但射擊中靶的靈敏度好似高啲,即使拎起支槍亂射都會有分,氹小朋友最啱,就算佢哋唔多識玩,都唔會太失落。

 

玩完遊戲,離場直到商店。多款蟻俠和黃蜂女主題商品上市,粉絲準備荷包shopping啊!

 

蟻俠和黃蜂女新登場,樂園亦準備咗相關主題餐飲,主力在明日世界火箭餐廳供應。食品是快餐,炸雞炸魚之類,老實講句,不過係紙杯、紙盤等換上蟻俠和黃蜂女的圖案。另有幾個主題特別餐在不同時期推出。最新一個是戰隊(蟻俠)漢堡套餐,即日至630日可以試到。

 

順帶一提,331日起,樂園入場門票都會換上蟻俠和黃蜂女款式,粉絲要儲呀!

 

 

 

INFO

www.hongkongdisneyland.com

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
ITE 2019旅遊展 一站攞料兼優惠價報名! 領養動物知多啲 領養馬拉松2019初體驗 觀塘新開張Party room 5百呎雲海波波池唱K 親子攀石同樂日免費試玩攀石 優惠套票遊香港兩景點 68折玩盡昂坪360及天際100 母親節8個冧阿媽送禮idea 朗豪坊手塚治虫展 率先睇限定店精品 必搶限量100個手塚銅金人偶 朗豪坊LEGO Star Wars20周年紀念展