明明瞓咗好似無瞓過? 瞓得好要戒呢7個壞習慣 | likemagazine.com.hk
Beauty & Health

明明瞓咗好似無瞓過? 瞓得好要戒呢7個壞習慣

晨早起床,好多人都有個疑惑:「明明有瞓覺,點解愈瞓愈攰,好似無瞓過?」須知道,「瞓咗覺」和「瞓個好覺」是有分別的。瞓覺不但要瞓夠鐘數,瞓得好都很重要,亦即係「睡眠質素」。睡眠有分深淺層,有人即使瞓十幾個鐘,但維持在淺層睡眠,所以瞓完仍然覺得攰,長期維持呢個狀況,影響身體健康!點瞓覺至有質素?以下7個壞習慣你要戒!

 

1 唔願瞓

每個人身體內都個「時鐘」,生活作息有規律。到咗瞓覺時間,覺得攰,就好返上床瞓喇!死頂捱眼瞓,煲劇、打機、上網、其實係另類「自殘」。愈夜睡,身體沒有充足時間作息、復修損耗、進行自療年輕有魄力或者頂得住,但隨著年紀大,捱一晚夜就傷身一次。另外,經常抗拒睡魔的召喚,當體內「時鐘」慢慢習慣咗夜晚唔瞓的規律,變成失眠就麻煩了。

 

2 手機不離手

臨瞓半小時至1小時,唔好再玩手機,因為手機等電子產品發出的藍光,會刺激視網膜抑制腦部分泌褪黑激素,令人清醒,減少睡意。另外,有指手機、Wi-Fi發出的電磁波會使入眠後初次深睡期變短,令人睡得不安穩,所以建議大家最好瞓覺時把手機放遠啲,約離身2公呎以上,並Wi-Fi熄掉。

 

3 開燈瞓

睡眠和腦部松果體分泌的褪黑色素有密不可分的關係,而我們的眼睛又對光線極度敏感,如要快快入眠,而且瞓得好,保持室內暗黑有助告訴身體是時候入睡。另外,舒適的溫度和保持寧靜都是的令你瞓得好的重點之一。若膽細,不敢在全黑房中睡覺,也可以開一盞微亮的小夜燈伴瞓,但切記燈光不要太強,柔柔的才有助入眠。

 

4 睡床不只瞓覺

雖然香港人家居趨向納米化,家裡活動空間減少,但盡可能堅持床只用來瞓覺,不要把床變成工作間或玩樂區,否則返上床都無睡意,漫漫長夜又失眠,唉!

 

5 睡前做劇烈運動

勤做運動身體好,但是運動也要揀啱時間啊!好多人為了顯示做運動的恆心和毅力,即使堅持夜晚收工後做運動。運動本來是好事,可是劇烈運動後,身體處於亢奮狀態,交感神經處於活躍狀態,所以即使運動令人感到疲倦,身體卻未能放鬆,不能進入深層睡眠狀態,影響睡眠質素。所以呢,就算只有晚上有空餘時間做運動,都要睇住時間,控制一下瞓覺前2小時減少劇烈運動。若想做運動幫助身心放鬆,有助睡眠,建議做一些輕度伸展筋骨的動作。

 

6 睡前餓著肚或食太飽

睡前吃得過飽,胃腸努力消化,胃部不斷刺激大腦,大腦保持興奮狀態,所以想瞓都瞓唔著。太飽唔得,餓住肚都唔得,因為血糖低都會令人失眠。臨瞓前,不要避免喝含咖啡因飲品、濃茶或酒精,免得刺激中樞神經,不易入眠。還有要戒甜,因為甜食有令人開心興奮的作用,令人無法平靜心情休息。

 

7  較多個鬧鐘

有人擔心瞓過頭,於是較較多個鬧鐘,但呢個行為會令人處於緊張狀態,心情焦慮,心跳會加速,呼吸加快,體溫上升,結果影響睡眠。而且有研究指出,每次按停鬧鐘後再瞓的話,再次醒來的7分鐘內心跳加速,血壓增高,自律神經受刺激進入準備狀態,無助恢復體力,但而會出現慢情疲勞,愈瞓愈瞓攰。與其擔心咁多,不如早啲瞓,保持心情輕鬆,是瞓個好覺的靈丹。

 

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
跑步令小腿變粗?2個小動作即解決!跑步令小腿變粗?2個小動作即解決! 減肥食水果小心熱量爆錶                         3款人氣水果多吃好易肥減肥食水果小心熱量爆錶 3款人氣水果多吃好易肥 美白消腫減肥必飲 |檸檬薏米水美白消腫減肥必飲 |檸檬薏米水 原來訓練平衡力咁簡單!每天6分鐘熱身運動原來訓練平衡力咁簡單!每天6分鐘熱身運動 兩大韓國潮牌聯乘美妝產品     VT與BT21宇宙明星幫你化普普妝兩大韓國潮牌聯乘美妝產品 VT與BT21宇宙明星幫你化普普妝 想食魚生又驚有寄生蟲?食刺身7大注事項!想食魚生又驚有寄生蟲?食刺身7大注事項! 喉痛食喉糖,真係有效?                             教你自製4款天然潤喉特飲                         喉痛食喉糖,真係有效? 教你自製4款天然潤喉特飲 脫毛後皮膚出紅粒痕又腫                   6個舒緩止敏方法脫毛後皮膚出紅粒痕又腫 6個舒緩止敏方法