凱悅酒店自助餐新主題 任食加拿大赤海膽 海膽雪糕超驚喜!| likemagazine.com.hk
Shopping

凱悅酒店自助餐新主題 任食加拿大赤海膽 海膽雪糕超驚喜!

愈來愈多自助餐以和牛、燕窩、鮑魚、阿拉斯加蟹、鵝肝等為主題,以前見到會雙眼發光,但隨著食自助餐的「資歷」增張,慢慢便覺不外如是。要食得矜貴又有新鮮感,3月至6月中旬,凱悅酒店咖啡廳推出以加拿大赤海膽為主題的自助餐,讓你盡快任食「海中黃金」,係咪有啲吸引力呢?

 

較貴價的自助餐裡,都找到海膽足跡,但成個自助餐以海膽為主角,真係較少見。自助餐選用的加拿大赤海膽,色澤金黃,入口即溶,鮮甜美味。要歎到海膽的原始味,首選刺身。海膽手卷和海膽軍艦,即叫即製,海膽豐腴可口,最重要是包住手卷和壽司的紫菜仍是脆口的。

 

生嚐以外,海膽熟食也美味,魚子海膽叉燒炒飯、海膽蒸蛋白等菜式都是廚師的創意之作,讓人品嚐到海膽的不一樣鮮味。質感綿密細緻的海膽,除了原件品嚐外,也可製成醬汁,增添菜式的滋味。必要一試是點選波士頓龍蝦肉時,選取海膽白酒忌廉汁,鮮得無法形容。數到最驚喜的,必是海膽雪糕配薑柚子,海膽造成甜品,估佢唔到,食味想像唔到,試下咪知囉!

 

 

雖然自助餐以海膽點題,但無可能成餐獨沽一味?其實呢間餐廳自助餐仲有其他獲好評的亮點,包括即劏日本空運鮮魚刺身、香煎鵝肝、即炸天婦羅等。大家飽嚐海膽之餘,都要預留少少胃納試埋其他美食啊!

 

 

 

INFO

凱悅酒店咖啡廳自助晚餐

供應時間:星期一至五晚上6時至10時;星期六、日及公眾假期晚上630分至10

價錢:星期一至四成人$648,小童$324;星期五至日、公眾假期及前夕成人$708,小童$354

地址:香港尖沙咀凱悅酒店大堂樓層

訂座電話:3721 7700

 

 

 

 

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
MÖVENPICK雙球杯裝 買1送1只限觀塘店 4球優惠價$69 喜茶尖沙咀開新店 必試金玉MINI茶 首3天限量送MINI袋 復活節自助餐早鳥優惠 官網訂6折成人晚餐$300 每日限50位訂位! 麥當勞和風漢堡第二浪 用App點餐有優惠呀! 中環$568無限時Shabu-Shabu 任食松葉蟹龍蝦和牛 MOS Cafe九龍灣概念店 首度引入自選無公害蔬菜沙律 明天19/3開業! 觀塘新開New Balance Outlet MADE英美製系列低至3折 多買幾件再有折! GU周年祭快閃福袋 童裝$79成人$129 只限3月16日!