甚麼食物可以補血、補鐵? | 營養師推介,健康養生食材| likemagazine.com.hk
Beauty & Health

甚麼食物可以補血、補鐵? | 營養師推介,健康養生食材

10個有9個人都會答「牛肉」,又或者「豬潤」。而且,好多文章、報導,都會講到牛肉又或者其他紅肉、內臟也是補鐵食物。

但你又知唔知,其實好多植物性食物都好「補鐵」?
而且,仲可以日日食!

黑木耳
女人要靚、要皮膚好,就要認識黑木耳這種食材。黑木耳除了含有豐富多醣體,有助平衡腸道益菌數目,維持腸道健康,這種多醣體更是植物膠質,有助皮膚保持彈性。加上鐵質尤其豐富!一碟100克涼拌木耳就已經有5.5毫克鐵質,相當於一塊8安士牛扒的鐵質含量。所以,無肉日子,有黑木耳,我就一定會叫。

黑芝麻
《飲食陷阱》入面,我已經教過大家要留意黑芝麻這種食物。黑芝麻屬種子類的一種,油份、脂肪不算低,但鐡質超勁!100克黑芝麻已經有22.7毫克鐵質。不靠紅肉去補鐵,我會揀黑芝麻豆腐花,還會用上純正黑芝麻醬。
詳情:參考《飲食陷阱2》

紅豆
為食的我,會經常用紅豆補血做藉口,而叫紅豆冰或者食紅豆沙。不要少看一粒粒細細的紅豆,100克紅豆已有約5毫克鐵質,而半杯煮熟紅豆就有2.3毫克鐵質。我粗略計過,一碗紅豆沙已有3-5亳克(視乎傑度)鐵質。

扁豆
一粒粒扁扁圓圓的扁豆含有豐富的營養素,除了蛋白質高之外,亦是鐵質的食物來源。100克熟的扁豆已有3.3毫克鐵質,比100克牛肉還要高!不過,植物性的鐵質比動物性的難吸收,所以建議加入維他命C豐富的食物,以有助身體增加鐵質吸收。
想方便,一罐扁豆湯、又或者加罐即食扁豆,就攪掂晒!

南瓜籽
眾多種果仁、種子類之中,南瓜籽的鐡質是數一數二之高。香脆即食的南瓜籽當然是我的首選!28克南瓜籽已有2.5毫克鐵質。有時候,我會食番兩塊南瓜籽酥補鐵㗎!

 


===========================================================================================================

授權轉載自 營養學家 Mandy Wong


Mandy Wong, 任職營養學家,以「營養共享」為理念,積極推廣健康飲食。不著重食物的「卡路里」,只講求食物是否合「營」合「理」。把營養學的概念深入淺出,教大家如何吃得活得更

MINDFUL。
Facebook: https://www.facebook.com/pg/Nutritionist.Mandy

原文連結:https://www.askmandywong.com/2019/02/25/ironrichfoods1/

相關文章
對抗空氣污染保障健康 插頭式空氣淨化機輕巧不佔空間 日本大熱減肥Zero Training _ 極速收腹好easy 同陽光玩遊戲 炎夏防曬知多點捍衞白滑肌 上班族日做夜做捱唔住 5個保健Tips回復精力 迎夏全方位瘦身4大妙法 冰凍後熱量少一半!夏天減肥必備蕃薯瘦身秘方 兩大韓國潮牌聯乘美妝產品 VT與BT21宇宙明星幫你化普普妝 夏日必吃去濕熱食物 輕鬆美顏又瘦身