專業烘焙師帶路 東京必訪3間麵包店 你試過呢幾間未?| likemagazine.com.hk
Travel

專業烘焙師帶路 東京必訪3間麵包店 你試過呢幾間未?

遊日本,少不了到處吃喝。除了試試各地特色拉麵、壽司刺身、地道小食外,其實麵包都值得納入尋味計劃中。專業烘焙師Anthony Lo因為喜歡吃麵包,於是 辭掉金融銀行業的工作,跑去日本拜師學藝整麵包,後來更加入烘焙行業造麵包,並曾在亞洲多個國家及地區工作。每次返日本,他都會到訪不同的麵包店試味,尋找心目中美味的麵包。提及東京出名的麵包店,他有以下的心水介紹。

 

Anthony每次出遊或工幹,都會抽空到訪當地的麵包店,尋找美味的麵包。

 

 

 

VIRON涉谷店

上年曾入選日本100間名店,在日本很有名。店名與法國麵粉品牌同名,雖然唔係麵粉品牌的直營店,但所造的麵包都用呢個法國牌子。呢間店位置非常就腳便利,就在港人最愛去的涉谷激安之殿堂附近。店舖裝修走歐式風格,因為老闆和主廚都是歐洲人。麵包主打歐式混日式風格的麵包西餅,仲有各式各樣的都有,馬卡龍、蛋糕、水果撻、曲奇等,甚至三文治都有,鹹甜口味,悉隨尊便。店員服務有禮周到,不過由於主要當地人幫襯,落order的話一般要求講日文,不過遊客到來,店員都會落力協助。店舖樓高兩層,買完麵包,可以上2cafe雅座慢慢歎,bonus係有涉谷著名的繁忙街頭景任睇。

 

數人氣最強是法包Baguette。一般人覺得法包做到「外脆內軟」就係好,但作為一個專業烘焙師的Anthony,要求更挑剔,仲會睇埋火喉、保濕度和透氣度等。其實愈簡單基本的麵包,愈難做得好,正如廣東小菜乾炒牛河、咕嚕肉等,好似無難度,但實情考工夫。呢間店法包的確做得不錯,值得推介。

 

法包以外,特別推介酥皮款式包點,例如丹麥提子卷。酥皮層次十足,不獨指酥皮層數,而是口感,酥皮入口明顯食到一層層,鬆香可口。唔係好似香港出品的酥皮餅點,酥皮層黏在一起。做法有點似肉桂卷,加入提子和吉士醬,酥皮面有層混入whisky的糖醬,香味濃郁,配咖啡一起食,回味無窮。

 

另一款不得不試是蘋果蘋果酥,十分十分出色。首先講賣相,像一片樹葉,樹紋清晰細緻,色澤均勻,可見烘焙師的造藝。同樣,酥皮 層次分明,整個餅很厚身,酥皮層數多,但內餡份量十足。香港買到的蘋果酥,大部分酥皮層數太少而且餡料太多,入口即糊,沒有層次感。 但呢個酥皮鬆化,口感層次豐富, 中間的蘋果餡,料足香甜但一點都不膩。

 

INFO

VIRON (渋谷店)

地址:東京都渋谷区宇田川町33-8 塚田ビル 1F

營業時間:上午9時至晚上10

 

 

Dans Dix ans

東京有名氣的麵包店有很多,但講到畀到神秘又有震撼感的,Anthony會選呢間。呢間店出名得來低調,先講地理位置,就在港人最愛shopping的吉祥寺購物區附近,步行10分鐘便到達。不過確實地點唔易搵,因為店舖其實隱藏在一個小園子入面,不熟悉該區,很容易錯過。走入園子後,沿著秘道走往地下層才找到,充滿神秘感。

 

若首次到訪,走進店內,會以為自己去錯地方,絕對不似一般的麵包店,裝修格局完全顛覆大眾對麵包店的概念。店舖裝潢非常簡約,放眼沒有多餘裝飾陳設,最矚目的就只有幾個由天花吊下來的架子,架子上放著一條條方包。其實店的另一面有個玻璃陳列櫃,類似珠寶店嗰種,如果早到,有機會見到不同的麵包放在櫃內。不過多數人來到櫃裡都係空空,因為其他款式麵包西餅如:朱古力包、酸種麵包等數十款早早賣晒。

 

方包都係呢間店的招牌。又係嗰句,麵包愈簡單愈難造得好,方包就係見真工夫之作。呢間的方包絕對出色,牛油味極重,食味層次分明。店方所採用的牛油,坊間都有其他舖採用,但造出來的麵包味道,呢間確唔同。方包主要材料除牛油外,仲有牛奶,再加蜂蜜。坊間麵包店一般用砂糖,呢間用蜂蜜,所以方包烘焙後的色澤、香氣、味道都獨特。方包提供不同牛油分量選擇,個人心水是30,牛油味剛好,油香得來不會太膩。價錢唔貴,每條約港幣2030元。以日本麵包的價格水平來講,絕對物超所值。

 

特別一提係呢間店的服務真係一流,買麵包過程有45個店員招待,有人負責講解麵包特色,有人負責收錢,有人負責包裝,有人負責送你出門口,即使不過買咗一條方包,一樣當你貴賓招待。

 

INFO

Dans Dix ans

地址:東京都武蔵野市吉祥寺本町2-28-2 B1F

營業時間:上午10時至下午6(星期二、三休息)

網址:http://www.dans10ans.net

 

 

Junibun Bakery

論名氣、出品水準,Anthony個人覺得呢間只屬一班尾。不過若遊日時間短,無太多時間捐窿捐罅,又想試好味的麵包,呢間都可以試試,因為地點便利易找,就在新宿京百百貨下層的美食區。出品以西式麵包為基礎加入日式元素,招牌是一個類似軟法包的麵包,內裡夾著朱古力醬及朱古力豆。雖然是軟法包,但麵包質感十足,實心的,不是空氣包,有咬口,同時帶點煙韌。加上大眾最愛的朱古力,多重口味層次,所以非常熱賣。當地人都會專程來幫襯。

 

 

INFO

Junibun Bakery

地址:東京都新宿區西新宿京王百貨公司地下

營業時間:星期一至六上午10時至晚上10時半;星期日及假期上午10時至晚上10

 

 

TEXTJosi Yan

PHOTOAnthony Lo、網絡圖片

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

 

相關文章
【遊日必睇】日本 2019 行李限制懶人包 遊阿根廷必試9種傳統菜式 韓國慶尚道賞櫻 登記換領限量版T-Money禮品包 暢遊韓國人後花園! 京都賞櫻人多到喊 青森漫遊賞櫻秘景更讚! 4個青森賞櫻勝地! 復活節親子好節目 澳門氹仔定向尋蛋彩繪樂 定向勝出有獎金! 港青徒步橫越貝加爾湖 挑戰自我關注全球暖化 旅程全記錄Part 7 2019韓國賞櫻浪漫攻略!開花時間預測+首爾賞櫻熱點 新山LEGOLAND新增海洋中心 港人享入場優惠