東涌酒店級下午茶自助餐 連加一每位$200有找 台食主題只限周末!| likemagazine.com.hk
Shopping

東涌酒店級下午茶自助餐 連加一每位$200有找 台食主題只限周末!

香港地自助餐價錢愈來愈貴,晚餐價動輒四、五、六百,以為食下午茶自助餐可以慳啲?酒店級數的,基本上每位兩三百元無走雞。當收到東涌諾富特東薈城酒店Essence餐廳將由223日到69日期間推出周末「台式周末」下午茶自助餐,每位連加一埋單二百有找,真係有驚喜,所以要急急話畀大家知呢項著數。

 

今次自助餐以台灣美食為主題,提供超過50款食品,除了三文治、中西鹹甜茶點、各類即製麵食、薄餅、朱古力噴泉和雪糕等美食,焦點是多款台灣特色甜點及鹹食,包括鹽水雞、牛肉麵、藥燉排骨、蚵仔煎、黑糖珍珠梳芙厘班戟及愛玉仙草配等,加上台食經典─珍珠奶茶,以下午茶自助餐來講,食物選擇算咁上下,而且有台式美食撐場,叫做有點特色,唔係食來食去蛋糕、班戟、雪糕、窩夫,有啲新意。

 

價錢方面,逢星期六、日,每位$178;公眾假期每位$178。進餐時間是下午2455時。惠顧滿$300,可享長達3小時的免費泊車,不過酒店泊位有限,如要享泊車優惠,訂枱時記住預約。

 

牛肉麵

蚵仔煎

黑糖珍珠梳乎厘班戟

愛玉仙草配

藥燉排骨

鹽水雞

 

 

 

INFO

 http://bit.ly/TaiwanWeekendAfternoonTea

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
H&M X POKÉMON 時尚街頭精靈訓練員 銅鑼灣新派素食自助餐午市只$78 旺角MOKO購物祭美妝個人護理品低至37折 喜茶尖沙咀開新店 必試金玉MINI茶 首3天限量送MINI袋 觀塘新開New Balance Outlet MADE英美製系列低至3折 多買幾件再有折! 春日星巴克3重誘惑 新口味/櫻花杯/迷你分店模型 上機前最後補給!MUJI to GO 10件隨行好物 牛角 X 龍珠超 經典情景變期間限定菜式 仲有限量精品要儲啊!