可口可樂又有新動作！今次唔係口味上改變，而係包裝！3月18日將推出高罐裝，今次主題是「回味香港 回味可口可樂」，罐身設計加入香港古蹟元素。率先同大家見面的有兩款，分別印上「藍屋」及「聚星樓」。儲開可樂罐的粉絲，又要去搶喇！如想睇埋另外6款設計，就要在3 月14 至20 日，去尖沙咀海港城海運大廈展覽大堂舉行的「回味香港 回味可口可樂」高罐展覽，現場將展出整系列8款巨型高罐，帶領大家以全新角度遊歷這些古蹟。
另外，近年港人飲食追求健康，覺得甜食甜飲少食為妙，好多人平時買一罐可樂都飲唔晒。覺得浪費嗎？4月29日起，你可以買罐mini size，份量啱啱好。港版「可口可樂」將首度推出香港版迷你罐，迷你罐每罐200 毫升。迷你罐裝唔止得「可口可樂」，「零系可口可樂」、「雪碧」、「芬達」橙味汽水、「玉泉」忌廉味汽水、「玉泉」乾薑味汽水、「玉泉」有氣辣薑啤飲品、「玉泉」梳打水及「玉泉」湯力水都有，滿足大家不同口味的喜好！
INFO
「回味香港 回味可口可樂」高罐展覽
日期：2019 年3 月14 至20 日
時間：上午10 時至晚上10 時 (3 月14 日開放時間為下午3 時至晚上10 時)
地點：尖沙咀海港城海運大廈展覽大堂
如有任何有關旅遊、飲食、購物著數優惠、玩樂、美容或健康等資訊，歡迎大家報料給小編啊~~
editors@likemagazine.com.hk