《幪面超人》是很多成年人的童年回憶重要一塊。原來2000年至2019年推出的《幪面超人》被稱為《平成幪面超人》，唔知有幾多人知呢？呢樣唔知唔緊要，最重要係粉絲一定記得在《幪面超人》裡，每年都有一位主角超人誕生，而且有其獨特的變身腰帶。3月1至10日，尖沙咀LCX將舉行「平成幪面超人20週年 X CSM 展覽」，讓大家一次過睇晒咁多條變身腰帶，回憶一下快樂的童年。
話說去年日本方面為紀念《幪面超人》播出第20部作品，在新宿車站舉行展覽，一次過展示20位平成幪面超人的變身腰帶，日本粉絲反應好熱烈。今次，主辦方就將日本的展覽原汁原味帶到香港，等香港的幪面超人粉絲都可以感受歷代幪面超人的威風。
今次展覽將展出逾20款平成幪面超人系列的變身腰帶，當中有2000年代的DX腲帶已絕跡市場，好珍貴呀！另外，有5條是「專為成年人打造的變身腰帶」，而最新商品《幪面超人劍》COMPLETE SELECTION MODIFICATION BLAYBUCKLE & BLAYROUZER亦將於展覽中亮相。留意喇！所有CSM腰帶只在PREMIUM BANDAI官方網店獨家發售。
展覽特別移師香港重現，香港粉絲當然唔係得個睇字。大會特別製作20款期間期間限定的平成幪面超人手機桌布，粉絲們只需要到訪LCX 10個指定地點，尋找幪面超人的QR Code，就可以立即免費下載，每個地點均能下載不同的幪面超人手機桌布。3月2日李蔓瑩更會現身LCX，同大家一齊尋找20位平成幪面超人的蹤影。
INFO
「平成幪面超人20週年 X CSM 展覽」
日期：2019年3月1日至3月10日
地點：LCX海港城海運大廈3階
開放時間：上午10時至下午10時
如有任何有關旅遊、飲食、購物著數優惠、玩樂、美容或健康等資訊，歡迎大家報料給小編啊~~
editors@likemagazine.com.hk