呢期唔少歌星潮興玩街頭busking，好似坤哥，上星期日就在九龍城廣場外見到坤哥(吳業坤)show靚聲唱hit歌！不過今次唔係坤哥玩失驚無神送大禮，而係佢將在4月19日在紅館舉行個唱，九龍城廣場同佢搞個打氣派對，所以咪有佢現身廣場前唱歌呢一幕囉！
因為鍾意唱歌，繼而參加歌唱比賽，再入行當歌手，仲願望成真在紅館開演唱會，經歷好似電視劇情節，以為好夢幻，原來真係做得到。尤其依家歌壇咁難做，要由藉藉無名，唱到有人識，兼要實力被認同，真係唔易。坤歌創造奇績，值得大家支持啊！今次是坤歌第二度在紅館開個唱，若果上次見證唔到坤哥台上的魅力，今次要把握機會啊！
想睇坤哥個唱，直接買飛係最好的支持。想免費得門票，機會是有的！九龍城廣場都搞咗個《想睇「坤哥」換票大行動》，由即日至3月24日，只要在商場以電子消費，累積消費最高的首30位將有機會分別獲得$680或者$480《髮再生呈獻吳業坤小句號演唱會2019》門票，當中消費最高首兩位更有機會獲得「坤哥」演唱會親筆簽名海報。
INFO
查詢電話：2718 6320
如有任何有關旅遊、飲食、購物著數優惠、玩樂、美容或健康等資訊，歡迎大家報料給小編啊~~
editors@likemagazine.com.hk