麥記推出限定和風 漢堡 21/3必試麻油味粉薯條 菠蘿批3月中回歸!| likemagazine.com.hk
Shopping

麥記推出限定和風 漢堡 21/3必試麻油味粉薯條 菠蘿批3月中回歸!

上星期Like Magazine已經話定畀大家知,麥當勞將與出前一打聯乘,推出限量陶瓷碗碟套裝。搵得清仔清妹出場,當然唔止咁簡單!係咁嘅,227日,麥當勞推出多款和風口味漢堡,此外更首度聯乘出前一丁推出出前一丁招牌口味Shake Shake 薯條調味粉,喜歡日式口味的你,一定要試啊!

 

今次率先登場同大家見面的限定口味漢堡有兩款。「宮崎風味南蠻炸雞漢堡」是芝麻包加內夾沾滿南蠻醬炸雞塊、蛋沙律、洋蔥條和椰菜絲。「名古屋風味味噌吉列豬扒漢堡」麵包夾吉列豬扒,加味噌醬、椰菜絲及檸檬白汁醬。兩款口味聽落已經覺口水流,喜歡試新口味的你點都要試!

 

不過講到最期待,小編雙腳投選「出前一丁推出出前一丁招牌口味Shake Shake 薯條調味粉」。平時煮出前一丁,都會偷lam下包調味粉,鹹鹹地,幾惹味。今次擺明畀大家盡情食「調味粉」。「出前一丁黑蒜油豬骨湯味調味粉」配搭麥記最難抗拒的誘惑薯條,雙料爽攻,開賣首日小編會衝去試!食完重口味的薯條,飲杯新出的「白提子椰果梳打」,解渴一流!

 

 

講得係頭炮,即係和風口味有後續o架!預告定畀大家知,321日又有新口味。「金澤風味黑咖哩吉列豬扒漢堡」將接棒登場。穀物麵包配搭吉列豬扒,伴以秘製金澤風味黑咖哩醬、白芝士,以及檸檬白汁 醬和爽脆椰菜絲,完全幻想到是一場味蕾新挑戰。

 

漢堡有新意,但shake  shake薯條粉先係戲肉。同期將推出「出前一丁麻油味調味粉」,一丁粉絲控終於等到喇!飲品有「富士蘋果特飲」,321 日快啲到就好!

 

講多句,315日菠蘿批將回歸,又多一種口味選擇!

 

 

INFO

www.mcdonalds.com.hk

 

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

 

 

相關文章
D2 Place變身花樂園 周末市集匯聚花之創作 端午粽傳統創意有營 送禮買邊款好? UNIQLO 出新Tee慶英雄回歸 從月球望地球原來咁樣 利東街荃新天地親身睇 地球裝置會自轉! 創意班尼迪蛋4色海鮮配搭 可口可樂香港古蹟高罐 港版迷你罐200ml啱啱好 18/3首推2款高罐 HKTVmall感謝祭10件好抵買筍貨 Joomak春夏新菜單 必試果漾炸雞烤巨鰻 清新韓食好滋味!