大阪Grand Front美食區大翻新 5間必試話題健康食店 遊日搵食新地點!| likemagazine.com.hk
Travel

大阪Grand Front美食區大翻新 5間必試話題健康食店 遊日搵食新地點!

出遊日本,除了shopping外,最緊要搵食。毗鄰JR大阪站的Grand Front,裡面的美食區Umekita Cellar最近翻新咗,加入13間人氣食肆,當中包括多間話題健康飲食店,如以香蕉無糖甜品為主打的「Banan」、創意定食CafeMarumo Kitchen Japanese Bowl Cafe」及以日本農家蔬菜製作的健康發酵的料理放題「THE BUFFET & marché」等。瘋狂購物後要補充體力,呢度又多一個好地方畀搵食休息一下!

 

Umekita Cellar位置喺Grand Front大阪Umekita廣場地下1樓,一向係美食集中地。最近翻新後,地方更大,的範圍將擴展至南館地下1樓,除保留原有的店舖外,更加添13間店舖,當中有新登場食店,也有重新翻新的生活雜貨店。

 

眾多新引進店舖中,人氣最強兼最具話題性,就係來自夏威夷的甜品店Banan。睇個名應該估到呢間店主打係香蕉,用新鮮香蕉不加糖不加奶製成芭菲,芭菲入口先嚐到滑溜溜,而且慢慢溶化,香蕉甜香久久不散,蕉迷一試便愛上!呢間店首次在西日本開店,所以去開大阪的人要去朝聖啊!

 

飲食大吹健康風,生果是健康之選。首次進駐商場的「堀內果實園」,用作炮製甜點和食品的水果都是來自奈良縣吉野山下的農園,而無添加果乾、糖漿、蜜餞都是農家的心機之作。特別推介有水果三文治,香濃細滑的忌廉配上清爽新鮮水果,每口都是水果的鮮甜!

 

遊日本,好多人例必周圍試麵包,因為日本麵包樣靚又好味,打卡多人likeYAMABIKO BakeryCafé 形式首次進駐梅田,室內裝修很用心,以綠色植物及簡約木材作設計主調,先用視覺享受吸引人。麵包方面,選用不同地方的優質食材製作,定時有新鮮烤焗新鮮出爐,一有麵包香,人潮即出現。

 

Marumo Kitchen Japanese Bowl Café 提供多達15款以上營養均衡的定食,每款定食均以丼飯為中心,搭配野菜味噌湯、季節伴菜及甜品小吃,再按不同款式選用新鮮日本海鮮、蔬菜及肉類等食材,要食得飽又健康,呢間可以試試。未有時間坐定食,呢間店有外賣啊,可以買番去酒店慢慢歎!

 

將於3月中開業的THE BUFFET & marché主打放題,但供應的食品有別於一般放題,大部分日本國內直送的新鮮蔬菜及芝士、味噌等健康發酵的料理,美味又健康;另亦有肉類及特色甜品等,唔使怕齋食菜味道寡。

 

 

INFO

http://gfo.com.tw/

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

 

相關文章
港青徒步橫越貝加爾湖 挑戰自我關注全球暖化 旅程全記錄 終結篇 港青徒步橫越貝加爾湖 挑戰自我關注全球暖化 旅程全記錄Part 7 遊日App新增支援繁體中文 AI導航線上預訂餐廳門券 港青徒步橫越貝加爾湖 挑戰自我關注全球暖化 旅程全記錄Part 6 港青徒步橫越貝加爾湖 挑戰自我關注全球暖化 旅程全記錄Part 5 港青徒步橫越貝加爾湖 挑戰自我關注全球暖化 旅程全記錄Part 4 港青徒步橫越貝加爾湖 挑戰自我關注全球暖化 旅程全記錄Part 3 港青徒步橫越貝加爾湖 挑戰自我關注全球暖化 旅程全記錄Part 2