觀塘釣魚歎日本菜 工廈首間釣魚居酒屋 | likemagazine.com.hk
Shopping

觀塘釣魚歎日本菜 工廈首間釣魚居酒屋

新春飯聚講意頭,除咗幫趁中式酒家食新春菜外,仲有咩新idea?觀塘有間新餐廳既可歎精緻日本菜,又可玩釣魚,讓你祝賀來年「年年有餘」、「魚躍龍門」,有得食又得玩,又可以打卡,一家大細同行,個個都開心。

 

釣蝦 /魚場連餐廳,讓人可以又玩又食,其實唔係咩新概念,但呢間面積約7千呎的「釣魚船屋」的取勝位係位於市區,坐港鐵即達,唔使山長水又遠搭車又轉車先到,地點就腳先取勝。另外,餐廳新開張無耐,話晒地方乾淨光猛企理,環境舒適,又符合飯聚的條件。其三,餐廳主打日本菜,擊中大部分人的最愛,選此飯聚應該異議聲不多。

 

一行入餐廳,即見一艘以木建造的巨船,船內設有座位,食客可以體驗坐在船上釣魚來吃的趣味。船下的魚池內有多種魚類海產,包括:真鯛、蜜柑鯛、間八、深海池魚、平目,甚至花竹蝦、象拔蚌、毛蟹和長腳蟹都有。食客用$20買份魚餌,便可以試試釣魚,釣到魚後再決定烹調方法,成功在45限時內釣到的話,鮮魚或海產價格時價打7折;如選擇刺身、壽司方法食用不另加費用,如要汁煮、涮涮鍋後雜炊或魚柳唐揚,加收費用$80。若未能成功釣到海產或魚,都可以時價自選當日供應的新鮮活海產或魚,並決定烹調方法。

 一入餐廳就見木造巨船,大人細路未食先興奮!

魚池內的海產和魚是每日鮮貨,生猛新鮮,而魚池水質有專人監控。

船上設有十多個座位。

如未能預約船上座位,又要體驗釣魚樂,餐廳還有另一個細魚池,兩旁設廂座。

食客可以$20購買魚餌一試身手,體驗釣魚樂。

一班人飯聚要私人空間,呢間榻榻米包廂最啱。

 

 

呢間餐廳主打日本菜,除供應大路的刺身壽司之外,還有串燒、炸物等特色日本料理。

 

釣魚船屋刺身盛(松)$880

海膽松葉蟹肉麵豉甲羅燒 $128

和牛他他 $168

釣魚船屋招牌卷 $168

鹿兒島鹽燒和牛 $280

鹽燒阿波美雞翼 $28 /

鹽燒羊架 $98 / 兩件

特色串燒(由下至上):汁燒帆立貝 $58 / 串、燒牛舌 $48 / 串、鹽燒白鱔 $65 / 串、京都豆腐 $25 /

 

 

INFO

釣魚船屋

地址:觀塘駿業街56號中海日昇中心2樓H舖

電話:3618 8260

 

 

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
環球美妝護膚品開倉精選貨劈價$1 mini可口可樂29/4超市率先賣 譚仔夏日新品:巧香辣G大祥配傷鍊落 UNIQLO星戰Tee日本潮人操刀設計 Melissa迪士尼童鞋登場迎雨季 Café&Meal MUJI味覺輕旅行 Snaptee買T-shirt兼為喜愛Sanrio人物投票 創意班尼迪蛋4色海鮮配搭