維園年宵全場都係豬 精選靚豬儍豬萌豬| likemagazine.com.hk
Shopping

維園年宵全場都係豬 精選靚豬儍豬萌豬

農曆年花市已經開市,大家行咗未?全港多區都有年宵花市,但講有氣氛,維園年宵無得輸!豬年快到,維園年宵變身都市「豬欄」,全場都係豬,靚豬儍豬萌豬咩都有。行花市,大家唔使擔心有豬瘟,反而要擔心帶唔帶夠錢,認領佢地返屋企!

 

 

檔名:豬SITE

幾位「肌肉男」大學生不惜「赤膊露胸肌」,變身「豬肉榮」賣「一級靚豬」。全隻吊起的白豬和粉紅豬,一豬3用,可以作咕O臣、暖手枕,以及拉開豬肚變毛毛被。另售「特製午餐肉」攬枕,特別一提罐背的bar code(紅色四方格示),暗藏暗號,唔知大家收唔收到?(解碼不成功?文末有答案)

 

檔名:豬朋狗友

幾位「豬朋狗友」去年搞年宵試過翻尋味,今年再戰,重點推介「變型豬」。呢隻睇落同普通豬無分別的粉紅豬,只要幾秒,即可變身做另一款豬,安坐你家屋企張梳化。買一物,得兩物,精明消費者最like

 

檔名:張祝珊

中學潮興叫學生搞年宵學做生意,從實際經驗中學習。來自張祝珊的同學仔話,今年擺檔行薄利多銷策略,睇下呢條橋有幾work。首日開檔,未做促銷,肥豬暖手枕已經賣$68,小編敢講,平絕全場!抵買到極!

 

檔名:粒粒真豬

今年花市檔檔都玩「食字」,豬聲四起。呢檔都一樣,不過檔名同佢哋賣嘅貨品都有啲關聯。都係賣咕o臣,都係豬型,都係粉紅色,不過是內裡填滿「雪豆」,摸上去一粒粒,手感一流。最正係豬的表情好抵死!

 

檔名:回來PIG ME

現場除咗大量賣萌豬外,要真實感重啲,可以去呢檔睇睇。全枱都係「滷水靚豬腿」,未食飯行過,隨時回水流。肥美豬腿未必人人受,可以另選豬袋,全部自家設計。

 

檔名:嬲嬲豬

近來香港人怒氣怨氣甚重,要找方法舒發一下?呢隻「嬲嬲豬」啱使嗎?「嬲嬲豬」兩眼是烈火,完美表達你的憤怒,但又不致於傷和氣,始終隻豬咁可愛,嬲完算數,一團和氣最要緊!

 

 

 

解碼答案:「特製午餐肉」攬枕背後bar code的意思是「求求你別拋棄我,伴我一生」

 

TEXTJosi Yan

 如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

 editors@likemagazine.com.hk

相關文章
創意班尼迪蛋4色海鮮配搭 Power Living觀塘陳列室一站買最潮最好玩 美心 x Hello Kitty打卡先吃 Furla Hello Kitty新系列加入My Melody 杏花新城運動服劈價最平$99 超級英雄銅鑼灣列陣 韓牌UNIX AIRSHOT風筒 千萬負離子瞬間乾髮直髮 Smartech智能蒸烤焗爐入廚滿fun